قبرستانوں میں روشنی کے انتظام کیلئے مستقل بنیادوں پر بجلی کے کھمبے نصب کئے جائیں،ایڈمنسٹریٹر کراچی
پیر 23 مئی 2016 17:49
کراچی(اُردو پوائنٹ اخبارتازہ ترین - این این آئی۔23 مئی۔2016ء) ایڈمنسٹریٹر کراچی لئیق احمد نے میونسپل اور ٹیکنیکل سروسز کے سربراہان کو ہدایت کی ہے کہ قبرستانوں میں روشنی کے انتظام کیلئے مستقل بنیادوں پر بجلی کے کھمبے نصب کئے جائیں اور شہریوں کی سہولت کیلئے مناسب فاصلے پر راہداریاں بنا کر انہیں پختہ کیا جائے، جہاں گنجائش ہو کنکریٹ سڑکیں تعمیر کی جائیں تاکہ مختلف مواقع پر اپنے عزیز و اقارب کی قبروں پر فاتحہ خوانی کیلئے آنے والوں کو دشواری نہ ہو، انہو ں نے سینئر ڈائریکٹر میونسپل سروسز مسعود عالم اور ڈائریکٹر جنرل ٹیکنیکل سروسز نیاز احمد سومرو کو ہدایت کی کہ اس حوالے سے ایک جامع اور تفصیلی رپورٹ تیار کی جائے جس میں قبرستانوں کو اپ گریڈ کرنے سے متعلق ہر قسم کی معلومات شامل ہوں، گزشتہ روز رات گئے قبرستانوں کے دورے کے دوران ایڈمنسٹریٹر کراچی لئیق احمد نے وہاں بلدیاتی اداروں کی جانب سے شہریوں کی سہولت کیلئے کئے گئے انتظامات کا جائزہ لیا اور اپنے عزیز و اقارب کی قبروں پر آئے ہوئے شہریوں سے ملاقات کی اور انتظامات کے متعلق ان کے تاثرات معلوم کئے، ایڈمنسٹریٹر کراچی طارق روڈ قبرستان، عیسیٰ نگری قبرستان، ماڈل کالونی قبرستان اور پاپوش نگر کے قبرستان گئے اور وہاں بلدیہ عظمیٰ کراچی اور ضلعی بلدیات کی جانب سے کئے گئے روشنی، صفائی، پانی کی فراہمی کے انتظامات کا جائزہ لیا، ایڈمنسٹریٹر کراچی نے پرانی سبزی منڈی کے قریب فیضان مدینہ کے اجتماع میں بھی شرکت کی، جہاں منتظمین نے انہیں اجتماع کے انتظامات سے آگاہ کیا اور بتایا کہ فیضان مدینہ ایک روحانی مرکز ہے جہاں نوجوانوں کو اسلامی تعلیمات اور زندگی کو دین کے متعین کردہ اصولوں کے تحت گذارنے کی تعلیم دی جاتی ہے انہوں نے بتایا کہ کراچی میں ہونے والا یہ ایک بڑا جتماع ہے اور بیک وقت 23 مقامات پر یہ اجتماعات جاری ہیں جس میں ہزاروں افراد شریک ہیں ایڈمنسٹریٹر کراچی نے اس موقع پر فیضان مدینہ کے منتظمین کو بلدیہ عظمیٰ کراچی کی طرف سے ہر ممکن بہتر بلدیاتی خدمات کی فراہمی کا یقین دلاتے ہوئے کہا کہ شہریوں کی سہولت کیلئے بہتر سے بہتر اقدامات کئے جارہے ہیں انہو ں نے کہا کہ سرجانی ٹاؤن سیکٹر 16-A میں 12 ایکڑ رقبہ قبرستان کیلئے مختص کردیا گیا ہے جہاں دس ہزار قبروں کی گنجائش ہے چار دیواری کی تعمیر اور پانی و بجلی کا انتظام کرنے کے بعد اس قبرستان میں تدفین کا عمل شروع کردیا جائے گا جبکہ لنک روڈ پر 35 ایکڑ قطعہ اراضی کی نشاندہی بھی کرلی گئی ہے اور اس زمین کے حصول کے لئے بورڈ آف ریونیو کو خط لکھا جارہا ہے ان دونوں قبرستانوں میں شہریوں کیلئے تمام تر سہولیات دستیاب ہونگی ہر قبر کو نمبر الاٹ کیا جائے گا تمام ریکارڈ کی کمپیوٹرائزیشن ہوگی انہوں نے کہا کہ محکمہ میونسپل سروسز میں قبرستانوں سے متعلق ایک علیحدہ شعبہ بنایا جائے گا جو بلدیہ عظمیٰ کراچی کے زیر انتظام تمام قبرستانوں کے معاملات دیکھے گا اور ہر قبرستان کے لئے ضروری عملے کی تعیناتی بھی کی جائے گی۔
مزید قومی خبریں
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
-
افغانستان سے پاکستان میں دراندازی کرنیوالے افغان دہشتگرد کے ہوشروبا انکشافات
-
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار میں میگنولیا گرینڈی فلورا کا پودا لگایا
-
فتنہ پارٹی بشری بی بی کی صحت سے متعلق پراپیگنڈہ کر رہی ہے ، عظمی بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.