مصری ایئرلائن کے بحیرہ روم میں گر کر تباہ ہونے طیارے کی تحقیقات کو انجام تک پہنچائے بغیر دنیا بھر کی تجارتی ہوابازی کو خطرہ لاحق رہے گا:امریکی ماہرین

میاں محمد ندیم جمعہ 20 مئی 2016 08:43

واشنگٹن (اردو پوائنٹ اخبارتازہ ترین-انٹرنیشنل پریس ایجنسی۔20مئی۔2016ء) انسداد دہشت گردی سے وابستہ ایک امریکی ماہر کا کہنا ہے کہ جب تک حکام پیرس سے قاہرہ پرواز کے دوران مسافر طیارے کے بحیرہ روم میں گر کر تباہ ہونے کے معاملے کو طے نہیں کرتے آیا یہ حادثہ کیسے ہوا، دنیا بھر کی تجارتی ہوابازی کو خطرہ لاحق رہے گا؛ جس کے لیے بتایا جاتا ہے کہ زیادہ امکان دہشت گرد بم کا ہے۔

فریڈ برٹن امریکہ میں قائم اسٹریٹفر گلوبل انٹیلی جنس کمپنی سے ہے۔ انھوں نے بتایا کہ اس سے جو اہم بات اخذ کی جا سکتی ہے وہ یہ ہے کہ اگر یہ بم تھا تو یہ بات اہمیت کی حامل ہے کہ دہشت گردی کے سدباب سے وابستہ برادری بم بنانے والے کو ڈھونڈ نکالے۔ یہ ایک انتہائی کامیاب حملہ تھا اور جب تک اس بم بنانے والے کے ٹھکانے تک نہیں پہنچا جاتا، تجارتی ہوابازی کو مستقل خطرہ رہے گا۔

(جاری ہے)

انھوں نے اس خوف کا اظہار کیا کہ عین ممکن ہے کہ پہلے ہی مزید طیاروں پر ایسے ہی بم نصب کیے جاچکے ہوں۔ اس لیے، یہ بات اشد ضروری ہے کہ فوری طور پر اس معاملے کو طے کیا جائے۔شہری ہوابازی کے متعدد ماہرین شدید شک و پنج میںمبتلا ہیں آیا مصر کے طیارے کے گرنے کا سبب دہشت گردی ہے۔اینتھونی برکمن، امریکی ذرائع حمل و نقل کے حادثات کی تفتیش کے شعبے کے سابق اہل کار ہیں۔ انھوں نے چوکنہ ہونے کی ضرورت پر زور دیا ہے۔انھوں نے کہا ہے کہ تفتیش کاروں کی حیثیت سے، ہمیں پڑھایا جاتا ہے کہ ہر امکان کا جائزہ لیا جائے، جب تک کہ شواہد کسی نتیجے تک نہ پہنچیں۔

Facebook Twitter Google + Share on Whatsapp

مصری ایئرلائن کے بحیرہ روم میں گر کر تباہ ہونے طیارے کی تحقیقات کو انجام تک پہنچائے بغیر دنیا بھر کی تجارتی ہوابازی کو خطرہ لاحق رہے گا:امریکی ماہرین

متعلقہ عنوان :

مزید اہم خبریں