پنجاب بین الصوبائی ہم آہنگی کا علمبردار بن کر ابھرا ہے ‘ رانا مشہود احمد خاں
پنجاب نے این ایف سی ایوارڈ میں اپنا حق بلوچستان پر قربان کردیا، ہر صوبہ بڑا بھائی مانتا ہے صوبائی وزیرتعلیم رانا مشہود احمد خاں کا بلوچستان کی یونیورسٹیوں کے پوزیشن ہولڈرز طلباو طالبات سے پنجاب اسمبلی کے کیفے ٹیریا میں خطاب
جمعرات 19 مئی 2016 22:17
لاہور(اُردو پوائنٹ اخبارتازہ ترین - این این آئی۔19 مئی۔2016ء ) صوبائی وزیرتعلیم رانا مشہود احمد خاں نے کہا ہے کہ مسلم لیگ (ن) کے دور حکومت میں پنجاب بین الصوبائی ہم آہنگی کا سب سے بڑا علمبردار بن کر ابھرا ہے، ترقی و خوشحالی کے رول ماڈل کے طور پر باقی تینوں صوبوں کے عوام پنجاب کو رشک کی نگاہ سے دیکھتے ہیں،پنجاب حکومت نے بھی این ایف سی ایوارڈ میں اپنا حصہ بلوچستان کو دے کر اور تعلیم و صحت کے شعبوں میں سندھ، بلوچستان ، کے پی کے ، گلگت بلتستان اور آزاد کشمیر کے طلبہ عوام کی بھرپور معاونت کرکے اپنے حقیقی بڑے بھائی ہونے کا ناقابل تردید ثبوت فراہم کیا ہے،ان پالیسیوں کی بدولت دوسرے صوبوں کے عوام میں پنجاب سے فاصلے اور دوریاں کم ہوئی ہیں جس کا تمام تر کریڈٹ وزیراعلی پنجاب محمد شہباز شریف اور ان کی ٹیم کو جاتاہے-رانامشہود احمد خاں نے ان خیالات کا اظہار پنجاب اسمبلی کے کیفے ٹیریا میں بلوچستان کی یونیورسٹیوں سے آئے ہوئے 150سے زائد پوزیشن ہولڈر طلبا و طالبات سے خطاب کرتے ہوئے کیا- رانا مشہود احمد خاں نے کہا کہ مسلم لیگ (ن) کی حکومت قومی اتحاد ، یگانگت اور عدم تعصب پر یقین رکھتی ہے ، ہماری قیادت بین الصوبائی رابطوں اور باہمی تعاون کو زیادہ سے زیادہ فروغ دے کر پورے ملک میں مساوی ترقی اور باہمی محبت کو پروان چڑھانے کی پالیسی پر گامزن ہے- یہی وجہ ہے کہ پنجاب نے ہر نازک موقع پر نہ صرف اپنے وسائل دوسرے صوبوں پر قربان کئے بلکہ سیلاب، زلزلہ اور دیگر قدرتی آفات کے دوران آزمائش اور مصیبت کی گھڑی میں اپنے تمام ہموطنوں کا بلا امتیاز ساتھ دیا -وزیراعلی پنجاب کی ہدایت پر پنجاب کے تعلیمی اداروں میں دیگر صوبوں کے طالبعلموں کے داخلوں ، لیپ ٹاپس کی فراہمی اور تعلیمی وظائف کی فراہمی کے علاوہ پنجاب کے پوزیشن ہولڈرز کے ہمراہ غیر ملکی یونیورسٹیوں کے دوروں میں بڑی فراخدلانہ پالیسی اپنائی گئی ہے جس کا اعتراف اپنے بیگانے بھی کررہے ہیں-پنجاب اسمبلی کے دورے کے دوران بلوچ طلباو طالبات نے گیلری میں بیٹھ کر پنجاب اسمبلی کی کارروائی کا کچھ حصہ دیکھا اور ملک کی سب سے بڑی صوبائی قانون ساز اسمبلی کی کارروائی میں گہری دلچسپی کا اظہار کیا-اس موقع پر سپیکر پنجاب اسمبلی نے وفد کو اسمبلی کے مختلف حصوں کے بارے متعارف کرایا اور اسمبلی کی تاریخی اہمیت کے حوالے سے وفد کے ارکان کو بتایا -بعدا زاں صوبائی وزیرتعلیم رانا مشہود احمد خاں نے بلوچ طلبا وطالبات کے ہمراہ میڈیا سے گفتگو کی-بلوچ وفد کے ارکان نے اپنے دورہ لاہور کے لمحات کو نہایت خوش کن ، معلومات افزاء اور تاریخی قرار دیتے ہوئے کہا کہ انہیں پنجاب کے دارالحکومت لاہور کی تعلیمی، ثقافتی اور سماجی زندگی کے مختلف پہلوؤں نے بے حد متاثر کیا ہے خصوصا میٹروبس سروس کی شکل میں شہریوں کو ملنے والی پروقار سفری سہولت دیکھ کر انہیں بڑی خوشی ہوئی ہے-
متعلقہ عنوان :
مزید اہم خبریں
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
-
متحدہ عرب امارات میں طوفانی بارشوں کا سلسہ تھم گیا‘زندگی معمول پر آنے لگی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.