حالات کی ابتری اور موسموں کی شدت ہمارے اعمال کا نتیجہ ہے ، مفتی محمدنعیم
حکمران اﷲ سے ڈریں شدید گرمی میں پانی وبجلی کی بند ش سے عوام اذیت کا شکار ہے ، رئیس جامعہ بنوریہ عالمیہ
جمعرات 19 مئی 2016 21:16
کراچی(اُردو پوائنٹ اخبارتازہ ترین - این این آئی۔19 مئی۔2016ء) جامعہ بنوریہ عالمیہ کے رئیس وشیخ الحدیث مفتی محمدنعیم نے کہاکہ حکمران اﷲ سے ڈریں لوڈشیڈنگ اور پانی کے بحران پرقابوپانے کیلئے اقدامات کریں ،شدیدگرمی میں لوڈشیڈنگ اورپانی کی بندش کی وجہ سے عوام اذیت میں مبتلا ہے ، غریب مررہے ہیں ،امرا اور وزرا ایئرکنڈیشنڈ گاڑیوں اور عالیشان محلات میں عوام کے ٹیکسوں سے عیاشی میں مصروف ہیں،بے حس حکمران ،حالات کی ابتری اور موسموں کی شدت ہمارے اعمال کا نتیجہ ہے جمعرات کو جامعہ بنوریہ عالمیہ سے جاری بیان میں رئیس وشیخ الحدیث مفتی محمدنعیم نے کہاکہ انتخابات سے قبل لوڈشیڈنگ کے خاتمہ کے دعویداروں نے ملک کومزیداندھیروں میں دھکیل دیاہے،انہوں نے کہاکہ مسائل کے خاتمے کیلئے عملی اقدامات کے ساتھ ساتھ حکمرانوں اور عوام اﷲ کی طرف رجوع کرنے کی ضرورت ہے،حالات کی ابتری اور موسموں کی شدت ہمارے اپنے اعمال کا نتیجہ ہے جس سے نکلنے کے لیے اﷲ تعالیٰ کی ناراضگی کے کاموں کوترک کرنا ہوگا ، انہوں نے کہاکہ حکمرانوں اور حالات سے شکایت کرنے سے زیادہ اپنے اعمال پر توجہ دینے کی ضرورت ہے، جو حکمران آج درد سر بنے ہوئے ہیں انہیں عوام نے ہی منتخب کیاہے،شہر قائدکے مختلف علاقوں میں عوام کو اس گرمی کی شدت میں بھی پانی وبجلی کی سے محروم رکھاگیاہے حکمرانوں کو اپنے اقتدار اورکے علاوہ کوئی بھی فکر نہیں ، کسی بھی ایشو پر سیاسی بیان بازی کرکے عوام کو دھوکے میں رکھنے کی کوششیں کی جاتی ہیں،ایک طرف عوام بے روزگاری اورغربت کے باعث خودکشی پر مجبور ہے تو دوسری جانب شدیدگرمی میں پانی وبجلی سے محروم کرکے رہی کسر بھی پوری کردی گئی ہے ،انہوں نے کہاکہ کے الیکٹرک کا احتساب ہونا چاہیے جس نے گرمی کی شدت کے باوجود اعلانیہ لوڈشیڈنگ کے ساتھ ساتھ کئی کئی گھنٹے لوڈ شیڈنگ بھی شروع کرکے عوام کا جینا دوبھر کردیاہے،انھوں نے کہاکہ حکومت کی ذمہداری بنتی ہے وہ لوڈشیڈنگ میں اضافے کا نوٹس لیتے ہوئے اس کے خاتمے کے لیے عملی ا قدم اٹھائے۔
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.