وزیر اعظم نواز شریف کا گلگت بلتستان پہنچنے پر شاندار استقبال کیا گیا ‘ سلامی پیش کی گئی

جمعرات 19 مئی 2016 14:06

گلگت (اُردو پوائنٹ اخبارتازہ ترین - این این آئی۔19 مئی۔2016ء) وزیر اعظم محمد نواز شریف کا گلگت بلتستان پہنچنے پر شاندار استقبال کیا گیا جمعرات کو وزیر اعلیٰ گلگت بلتستان حافظ حفیظ الرحمن اور گورنر گلگت بلتستان میر غضنفر علی خان نے وزیر اعظم کو خوش آمدید کہا۔

(جاری ہے)

گلگت بلتستان قانون ساز اسمبلی اور کونسل کے ارکان بھی اس موقع پر موجود تھے وفاقی وزیر برائے امور کشمیر گلگت بلتستان چوہدری برجیس طاہر، وزیر مملکت انفارمیشن و ٹیکنالوجی انوشہ رحمان بھی وزیر اعظم کے ہمراہ تھے ۔گلگت بلتستان پولیس کے چاق و چوبند دستے نے وزیر اعظم کو سلامی پیش کی ۔