حکومت اور اپوزیشن پانامہ لیکس پر جوڈیشل کمیشن کے ٹی او آرز کی تیاری کیلئے 12رکنی مشترکہ پارلیمانی کمیٹی بنانے پر متفق
6ارکان حکومتی بنچوں اور6 اپوزیشن سے ہوں گے، (کل) قومی اسمبلی سے منظوری لی جائے گی، اس کے بعد کمیٹی جلد اپنا کام مکمل کرے گی،وزیر اطلاعات و نشریات پرویز رشید کی میڈیا کو بریفنگ پارلیمانی کمیٹی کے طے کردہ طریقہ کار کے تحت کمیشن وجود میں آئے گا، شاہ محمود قریشی
بدھ 18 مئی 2016 20:04
اسلام آباد (اُردو پوائنٹ اخبارتازہ ترین - آئی این پی۔18 مئی۔2016ء) حکومت اور اپوزیشن نے پانامہ لیکس کے معاملے پر جوڈیشل کمیشن کے ٹی او آرز کی تیاری کیلئے اپوزیشن اور حکومتی اراکین پر مشتمل 12رکنی مشترکہ پارلیمانی کمیٹی بنانے پر اتفاق کرلیا جس میں 6ارکان حکومتی بنچوں اور6ارکان اپوزیشن سے ہوں گے، وزیر اطلاعات و نشریات پرویز رشید نے کہا ہے کہ ٹی او آرز کیلئے مشترکہ پارلیمانی کمیٹی پر اتفاق ہو گیا ہے،(کل) جمعرات کو قومی اسمبلی سے اس کی منظوری لی جائے گی، منظوری کے بعد کمیٹی جلد اپنا کام مکمل کرے گی۔
وہ بدھ کویہاں پارلیمنٹ ہاؤس میں سپیکر قومی اسمبلی کی صدارت میں ہونے والے اجلاس کے بعدہونے والے فیصلوں کے حوالے سے میڈیا کو بریفنگ دے رہے تھے۔ انہوں نے کہا کہ وزیراعظم نے سپیکر قومی اسمبلی سردار ایاز صادق کو پارلیمانی کمیٹی کی تشکیل کی تجویز دی تھی، جس پر اسپیکر کی زیر صدارت اجلاس میں اپوزیشن ارکان بھی شریک ہوئے۔(جاری ہے)
اجلاس میں 12ارکان پر مشتمل پارلیمانی کمیٹی کے قیام پر اتفاق ہوا ہے جس میں 6ارکان حکومتی بنچوں اور6ارکان اپوزیشن سے ہوں گے اور (کل) ایوان میں تحریک کے ذریعے کمیٹی کی منظوری لی جائے گی۔
انہوں نے کہا کہ حکومت اپنے اتحادیوں سے مشاورت کے بعد نام پیش کرے گی اور پارلیمانی کمیٹی دو ہفتوں میں اپنی تجاویز ایوان میں پیش کرے گی۔ پرویز رشید نے کہا کہ پانامہ دستاویزات، آف شور کمپنیوں اور قرض معافی کے حوالے سے کمیٹی تجاویز دے گی، لوگوں کی بچتوں کے پیسے کھانے والے اور قرض خوروں کا معاملہ بھی کمیٹی میں آئے گا اور طریقہ کار سے متعلق فیصلہ پارلیمانی کمیٹی کرے گی۔ اجلاس کے بعد میڈیا سے گفتگو کرتے ہوئے شاہ محمود قریشی نے کہا کہ قومی اسمبلی سے منظوری کے بعد ٹی او آرز طے کرنے کیلئے کمیٹی قائم ہو جائے گی، پارلیمانی کمیٹی کے طے کردہ طریقہ کار کے تحت کمیشن وجود میں آئے گا۔ انہوں نے کہا کہ ایم کیو ایم نے وضاحت دی ہے کہ وہ متحدہ اپوزیشن کے ساتھ ہے۔ واضح رہے کہ اس سے قبل اسپیکر قومی اسمبلی سردار ایازصادق کی زیر صدارت حکومت اور اپوزیشن جماعتوں کے ارکان کا اجلاس ہوا۔ اجلاس میں وزیر اطلاعات پرویز رشید، وزیر ریلوے خواجہ سعد رفیق، شیخ آفتاب، زاہد حامد، محمود خان اچکزئی، غلام احمد بلور اور طارق اﷲ شریک ہوئے۔ اجلاس میں پارلیمانی کمیٹی کی تشکیل اور پانامہ لیکس کیلئے ضابطہ کار پر مذاکرات کئے گئےمزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.