احتساب عدالت نے وزارت خارجہ کے سینئر ڈائریکٹر شفقت علی چیمہ کو 12 روزہ ریمانڈ پر نیب کی تحویل میں دے دیا
میاں محمد ندیم بدھ 18 مئی 2016 17:38
اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔18مئی۔2016ء) احتساب عدالت نے وزارت خارجہ کے سینئر ڈائریکٹر شفقت علی چیمہ کو 12 روزہ ریمانڈ پر قومی احتساب بیورو (نیب) کی تحویل میں دے دیا۔شفقت چیمہ کو احتساب عدالت میں پیش کیا گیا، جہاں نیب نے ملزم کے 14 روزہ ریمانڈ کی درخواست کی، تاہم جج محمد بشیر نے ملزم کو 12 روزہ ریمانڈ پر بیورو کے حوالے کرنے کا حکم دیا۔
اس سے قبل نیب نے شفقت علی چیمہ کے گھر پر چھاپے کے دوران قیمتی نوادرات، سونا اور انسانی اسمگلنگ سے متعلق دستاویزات برآمد کی تھیں۔نیب راولپنڈی ڈویژن کے ترجمان کے مطابق شفقت چیمہ کے گھر پر نیب اور پولیس کے مشترکہ چھاپے کے دوران سری لنکا اور بھوٹان کی قیمتی نوادرات، ہاتھی دانت اور سونے کے ساتھ ساتھ عقاب بھی برآمد کیے گئے۔(جاری ہے)
نیب نے مجموعی طور پر قیمتی سامان کے 21 کارٹن اپنے تحویل میں لیے۔
ان کے گھر سے انسانی اسمگلنگ سے متعلق دستاویزات بھی ملیں جبکہ نیب نے شفقت چیمہ کی لاکھوں روپے مالیت کی او ڈی کار بھی تحویل میں لے لی۔واضح رہے کہ نیب راولپنڈی نے گزشتہ روز اسلام آباد میں ایک کارروائی کے دوران وزارت خارجہ کے ڈائریکٹر شفقت علی چیمہ کو گرفتار کیا تھا جس کے بعد وزارت خارجہ میں قائم ان کے دفتر پر چھاپا مار کر ان سے متعلق تمام ریکارڈ بھی اپنی تحویل میں لیا گیا تھا۔شفقت چیمہ کو انسانی اسمگلنگ میں ملوث ہونے اور زائد اثاثے بنانے کے الزامات کے تحت گرفتار کیا گیا تھا۔مذکورہ الزامات کے حوالے سے ان سے مزید تفتیش کی جارہی ہے۔عدالت کو بتایا گیا ہے کہ شفقت علی چیمہ نے آمدن سے زائد کروڑوں روپے کے اثاثے بنائے اور انسانی سمگلنگ میں بھی ملوث رہے۔ ملزم کے اکاونٹ سے 4 کروڑ 70 لاکھ روپے جبکہ گھر سے قیمتی نوادرات بھی برآمد ہوئے۔دوسری جانب نیب ٹیم ملزم کے ہمراہ دفتر خارجہ پہنچی اور حکام سے ملزم کے حوالے سے پوچھ گچھ کی۔ نیب کی تفتیشی ٹیم نے ملزم کے زیراستعمال سامان بھی قبضے میں لے لیا۔متعلقہ عنوان :
مزید اہم خبریں
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
-
نوازشریف کی صحابی رسولؐ سعد بن ابی وقاصؓ کے مزار پر حاضری
-
مریم نواز نے پولیس یونیفارم پہن کر پنجاب پولیس کی عزت وقار میں اضافہ کیا
-
اپنے معاشرے کو ترقی یافتہ بنانے کیلئے ضروری ہے ہماری خواتین انفارمیشن ٹیکنالوجی سکلزحاصل کریں‘مریم نواز
-
پنجاب میں سماج دشمن اور جرائم پیشہ عناصر کے لئے اب کوئی جگہ نہیں‘ مریم نواز شریف
-
وزیراعلیٰ مریم نوازکی پولیس یونیفارم میں لیڈی پولیس کانسٹیبل اورٹریفک اسسٹنٹ پاسنگ آؤٹ پریڈ میں شرکت
-
’’مجھے بھی مبارک باد، یہ میری بھی بیٹیاں ہیں‘‘،مریم نوازشریف
-
اوگرانے تیل کی قیمتیں ڈی ریگولیٹ کرنے کی تردید کر دی
-
کیسا مذاق ہے کہ آج پنجاب میں وزیراعلیٰ پولیس یونیفارم میں پریڈ لینے آگئیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.