رواں ہفتے کے دوران ملک کے بیشتر حصوں میں موسم شدید گرم ، خشک رہے گا، وسطی پنجات اور سندھ میں درجہ حرارت 51ڈگری سنٹی گریڈ ، برف اور گلیشرز تیزی سے پگھلنے کا امکان ، محکمہ موسمیات

بدھ 18 مئی 2016 11:36

اسلام آباد ۔ 18 مئی (اُردو پوائنٹ اخبارتازہ ترین - اے پی پی۔18 مئی۔2016ء) محکمہ موسمیات کے مطابق رواں ہفتے کے دوران اسلام آباد،راولپنڈی، گوجرانوالہ ڈویژن، اور خیبر پختونخوا کے میدانی علاقوں،سکھر، لاڑکانہ، میرپور خاص، شہید بینظیر آباد، سبی اور مکران ڈویژن میں موسم شدید گرم اور خشک رہنے کا امکان ہے۔ محکمہ موسمیات کر مطابق گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا سب سے گرم ترین مقام لاڑکانہ تھا جہاں درجہ حرارت51 ڈگری سنٹی گریڈ ریکارڈ کیا گیا۔

آئندہ گھنٹوں کے دوران ملک کے بیشترعلاقوں،سکھر، لاڑکانہ، میرپور خاص، شہید بینظیر آباد، سبی اور مکران ڈویژن میں موسم شدید گرم اور خشک رہنے کا امکان ہے ۔میدانی پنجاب، سندھ ، خیبر پختونخوا شدید گرمی کی لپیٹ میں رہیں گے جہاں درجہ حرارت 45ڈگری سنٹی گریڈ جبکہ وسطی پنجات اور سندھ میں درجہ حرارت 51ڈگری سنٹی گریڈ تک پہنچنے کا امکان ہے۔

(جاری ہے)

محکمہ موسمیات کر مطابق رواں ہفتے گلگت بلتستان اور کشمیر کے پہاڑی علاقوں میں بھی درجہ حرارت اوسطً 4 سے 5 ڈگری سینٹی گریڈ زیادہ رہنے کا امکان۔

جس کے باعث برف اور گلیشرز تیزی سے پگھلنے کا امکان ہے اورسمندری ہواوں کے تسلسل کی وجہ سے پاکستان کے ساحلی علاقوں میں درجہ حرارت میں تیزی سے اضافہ نہیں ہو گا۔کراچی میں دن کے درجہ حرارت (معمول کے مطابق) 40 ڈگری سینٹی گریڈ سے کم رہے گا سمندر سے مسلسل ہوائیں متغیر رفتارسے چلتی رہیں گی۔

Facebook Twitter Google + Share on Whatsapp

متعلقہ عنوان :

مزید موسم کی خبریں