آئندہ 24گھنٹوں کے دوران ملک کے بیشتر علاقوں میں موسم گرم اور خشک رہے گا، محکمہ موسمیات

اتوار 15 مئی 2016 21:51

اسلام آباد(اُردو پوائنٹ اخبارتازہ ترین - اے پی پی۔15 مئی۔2016ء) محکمہ موسمیات نے آئندہ 24گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ظاہر کیا ہے۔ جنوبی پنجاب اوربالائی سندھ میں موسم شدید گرم رہے گا تاہم ہزارہ، گوجرانوالہ ، لاہور ڈویڑن،گلگت بلتستان اورکشمیر میں بعض مقامات پر گرج چمک کیساتھ ہلکی بارش کا امکان ہے۔

اتوار کو محکمہ موسمیات کی جاری رپورٹ کے مطابق آئندہ چند روز کے دوران ملک کے بیشتر علاقوں میں موسم گرم اور خشک رہے گا۔

(جاری ہے)

گزشتہ24 گھنٹوں کے دوران ملک کے بیشتر علاقوں میں موسم گرم اور خشک رہا۔تاہم کشمیر، مالاکنڈ، پشاور، کوہاٹ، راولپنڈی ڈویڑن ،بالائی فاٹااور گلگت بلتستان میں چند مقامات پر تیزہواوں اور گرج چمک کیساتھ بارش ہوئی۔سب سے زیادہ بارش بنوں میں 29، کالام،پاراچنار10، دیر07، پٹن 08، دروش ، میرکھانی 06، بالاکوٹ، کوہاٹ 02، پنجاب: میانوالی 02، مظفر آباد 07،گلگت بلتستان: ہنزہ 08، گوپس 07، چلاس 05، استور03، سکردو، ،بونجی 02ملی میٹر ریکارڈ کی گئی۔

اتوار کو ریکارڈ کیے گئے گرم ترین مقامات کے درجہ حرارت سکھر،تربت 46، جیکب آباد،دادو اور لاڑکانہ45 ڈگری سینٹی گریڈ ریکارڈ کیا گیا۔