ضلعی الیکشن کمشنر نے پی ٹی آئی چئیر مین عمران خان کو نوٹس جاری کر دیا

سمیرا فقیرحسین ہفتہ 14 مئی 2016 13:28

پشاور(اُردو پوائنٹ تازہ ترین اخبار۔14 مئی 2016ء) :پشاور کے ضلعی الیکشن کمشنر نے پاکستان تحریک انصاف کے چئیر مین عمران خان کو نوٹس جاری کر دیا ہے۔ تفصیلات کے مطابق ضلعی الیکشن کمشنر نے بتایا کہ نوٹس پی کے 8 کے ضمنی انتخاب کے لیے پی ٹی آئی کے امیدوار کی حمایت میں جلسہ کرنے پر جاری کیا گیا ۔ ضلعی الیکشن کمشنر کا کہنا تھا کہ پی کے 8میں امیدوار کی حمایت میں جلسہ کرناانتخابی ضابطہ اخلاق کی خلاف ورزی ہے۔

(جاری ہے)

جس پر عمران خان کو 13مئی کو صبح11بجے الیکشن آفس طلب کیا گیا لیکن وہ پیش نہ ہوئے۔ الیکشن کمشنر نے مزید کہا کہ عمران خان ڈسٹرکٹ ریٹرننگ آفیسر کے سامنے پیش نہیں ہوئے۔ ضلعی الیکشن کمشنر نے رپورٹ الیکشن کمیشن آف پاکستان کو بھجوا دی ہے جس میں انتخابی ضابطہ اخلاق کی خلاف ورزی پر مزید کارروائی کی استدعا کی گئی ہے۔ یاد رہے کہ پی کے 8 میں ضمنی انتخاب کے لیے پولنگ 12 مئی کو کروائی گئی جبکہ پی ٹی آئی نے 8 مئی کو پنڈال سجایا۔