پاک کوریا تعلقات دن بدن بڑھ رہے ہیں، براہ راست پروازوں سے فاصلے کم ہو گئے،باہمی تعلقات کو فروغ دینے کیلئے کوریا کے سبکدوش ہونیوالے سفیر ڈاکٹر سانگ کی خدمات قابل تحسین ہیں ،1982ء کے بعد پاکستان میں کوریا کی ہزاروں کمپنیاں قائم ہوئیں
مسلم لیگ(ق) کے صدر چودھری شجاعت حسین کا کو ریا کے سبکدوش ہونے والے سفیر کے اعزاز میں الوداعی عشائیہ سے خطاب
جمعہ 13 مئی 2016 20:33
اسلام آباد/لاہور ( اُردو پوائنٹ اخبارتازہ ترین - آئی این پی۔13 مئی۔2016ء) پاکستان مسلم لیگ(ق) کے صدر و سابق وزیراعظم چودھری شجاعت حسین نے کہا ہے کہ پاک کوریا تعلقات میں اضافہ ہو رہا ہے اس سلسلہ میں سبکدوش ہونیوالے کوریا کے سفیرڈاکٹر سانگ جونگ ہوان کی کوششوں کی تعریف کرتے ہوئے انہوں نے کہا کہ میرے قابل قدر دوست کا تاریخی اقدام سیول سے پاکستان کیلئے براہ راست پروازوں کا آغاز ہے جس سے دونوں ملک یقینی طور پر مزید قریب آئیں گے۔
وہ گزشتہ شب اپنی رہائش گاہ پر ڈاکٹر سانگ جونگ ہوان کے اعزاز میں عشائیہ سے خطاب کر رہے تھے۔ عشائیہ میں چودھری وجاہت حسین، سینیٹر مشاہد حسین سید، طارق بشیر چیمہ ایم این اے، فرانس، جرمنی، بھارت، سپین، ایران، فلسطین، آسٹریلیا اور دیگر ممالک کے سفارتکاروں کے علاوہ امتیاز رانجھا اور دیگر رہنماء بھی شریک تھے۔(جاری ہے)
چودھری شجاعت حسین نے کہا کہ 1982ء میں جب میں کوریا کا قونصل جنرل مقرر ہوا تو میں نے دونوں ملکوں کے تعلقات میں اضافہ پر بھرپور توجہ دی۔
انہوں نے کہا کہ مجھے یاد ہے کہ اس وقت کوریا کی صرف ایک کمپنی تھی جس نے کراچی پاکستان میں پکچر ٹیوب پراجیکٹ کے قیام میں دلچسپی ظاہر کی جبکہ اب پاکستان میں کوریا کی ہزاروں کمپنیاں کام کر رہی ہیں۔ انہوں نے کہا کہ دونوں ملکوں کے درمیان مختلف شعبوں میں باہمی تعلقات کو فروغ دینے کیلئے نمایاں کوششوں پر 1993ء میں کوریا کی جانب سے مجھے اعلیٰ ترین سفارتی اعزاز سے نوازا گیا جو میرے لیے ایک بڑا اعزاز ہے اور اس کیلئے میں کوریا کا شکرگزار ہوں۔ انہوں نے کہا کہ ڈاکٹر سانگ نے پاکستان میں اپنے مختصر قیام کے دوران اپنی شاندار خدمات کے باعث پاکستانی عوام کے دل میں گہرے نقوش چھوڑے۔ انہوں نے کہا کہ وہ نہ صرف ایک تجربہ کار سفارتکار ہیں بلکہ انہوں نے اپنی تحریروں کے ذریعے دونوں ملکوں کے تعلقات میں اضافہ کیلئے بھی کوششیں کیں جس پر پاکستانی میڈیا نے انہیں ممتاز سفارتکار کے خطاب سے نوازا۔ انہوں نے کہا کہ میں اور میرے ساتھی سندھ کا کرشمہ Miracle of Indus)) کے عنوان سے آرٹیکل سے بہت متاثر ہوئے جس میں انہوں نے کوریا کا پاکستان سے موازنہ کرتے ہوئے اس یقین کا اظہار کیا کہ پاکستان کا مستقبل روشن ہے۔ انہوں نے مہمانوں سے اظہار تشکر کرتے ہوئے کہا کہ آج ڈاکٹر سانگ کو رخصت کرتے ہوئے ہمارے دل بوجھل ہیں۔متعلقہ عنوان :
مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.