وزیر اعظم پانامہ لیکس پر ایوان میں جواب دے دیں تو کمیشن کے مطالبے سے ہٹ جائیں گے ، نوازشریف نے پارلیمنٹ کو مطمئن کر دیا تو میں بھی مان جاؤں گا ،نیب چاہے تو مسئلہ ہفتوں میں حل ہو سکتا ہے ، حکومت میں بلیک میلر بیٹھے ہوئے ہیں ، میاں صاحب پر بڑا مشکل وقت آنے والا ہے ، جہانگیر ترین اور علیم خان کرپٹ ہیں تو پچھلے آٹھ سالوں سے (ن) لیگ نے ان کیوں نہیں پکڑا
پاکستان چیئرمین تحریک انصاف عمران خان کی نجی ٹی وی کو انٹرویو
جمعرات 12 مئی 2016 23:07
اسلام آباد ( اُردو پوائنٹ اخبارتازہ ترین - آئی این پی۔12 مئی۔2016ء ) پاکستان چیئرمین تحریک انصاف عمران خان نے کہا ہے کہ وزیر اعظم نواز شریف نے پارلیمنٹ کو مطمئن کر دیا تو میں بھی مان جاؤں گا اور وزیر اعظم پانامہ لیکس کے حوالے سے پارلیمنٹ میں جواب دے دیں تو کمیشن کے مطالبے سے ہٹ جائیں گے ، نیب چاہے تو مسئلہ ہفتوں میں حل ہو سکتا ہے ، ملک میں حکومت نہیں بلکہ اس میں سارے بلیک میلر بیٹھے ہوئے ہیں ، میاں صاحب پر بڑا مشکل وقت آنے والا ہے ، جہانگیر ترین اور علیم خان کرپٹ ہیں تو پچھلے آٹھ سالوں سے آپ نے انہیں کیوں نہیں پکڑا ۔
وہ جمعرات کو نجی ٹی وی کو انٹرویو دے رہے تھے۔ انہوں نے کہا کہ پانامہ لیکس میں وزیر اعظم کے بچوں کانام آیا ہے ۔ جب ڈیوڈ کیمرون نے پارلیمنٹ میں بیان دیا تب کوئی کمیشن نہیں بنا تھا ۔(جاری ہے)
عمران خان نے کہا کہ موجودہ ٹی او آرز کے ساتھ میرا اور نواز شریف کا احتساب کر لیا جائے ۔ ہم صرف یہ جاننا چاہتے ہیں کہ وزیر اعظم کے پیسے باہر کیسے گئے اور کہاں سے کما کر بھیجے گئے ۔
وزیر اعظم نے پارلیمنٹ کو مطمئن کردیا تو میں بھی مان جاؤں گا ۔ انہوں نے کہا کہ اگر وزیر اعظم نے کرپشن نہیں کی اور انہیں کو ئی فکر نہیں ہے تو وہ پندرہ منٹ میں جواب دے سکتے ہیں ۔ وہ جواب دے دیں تو کمیشن کے مطالبے سے بھی ہٹ جائیں گے ۔ عمران خان نے کہا کہ نیب چاہے تو یہ مسئلہ ہفتوں میں حل ہو سکتا ہے ۔ جب نیب کارروائی کرے گی تو نواز شریف کو بتانا پڑے گا کہ پیسہ کہاں سے اور کیسے آیا ۔ یہ حکومت نہیں بلیک میلرز بیٹھے ہوئے ہیں ۔ عمران خان نے پیش گوئی کی کہ میاں صاحب کے لئے بڑا مشکل وقت آرہا ہے اور ہمارا سڑکوں پر نکلنے کا موقف ابھی تبدیل نہیں ہوا ۔ انہوں نے کہا کہ دنیا میں لوگ پانامہ لیکس میں نام آنے پر جواب دے رہے ہیں اور یہاں بادشاہ سلامت مغل اعظم بنے بیٹھے ہیں ۔ ایک سوال کے جواب میں انہوں نے کہا کہ اگر جہاں ترین اور علیم خان کرپٹ ہیں تو پچھلے آٹھ سال سے نون لیگ کی حکومت ہے انہیں گرفتار کیوں نہیں کیا گیا ۔ انہوں نے کہا کہ ہم نے موقف نہیں بدلا بلکہ شروع سے ہی آزاد کمیشن کا مطالبہ کر رہے ہیں ۔ نیب پر ہمارا اعتماد نہیں ہے اس لئے جوڈیشل کمیشن بھی کارروائی کرے ۔ سب سے دیکھا خیبر پختونخوا میں الیکشن کے دوران وزیر کو ہتھکڑیاں لگائی گئیںمزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.