مقبوضہ کشمیر : بھارتی پولیس نے کل جماعتی حریت کانفرنس کو سیمینار کے انعقاد سے روک دیا
حریت رہنماؤں پر تشدد، متعدد گرفتار
جمعرات 12 مئی 2016 16:21
سرینگر ۔ 12 مئی (اُردو پوائنٹ اخبارتازہ ترین - اے پی پی۔12 مئی۔2016ء) مقبوضہ کشمیر میں بھارتی پولیس نے کل جماعتی حریت کانفرنس کو جمعرات کے روز سرینگر میں ایک سیمینار کے انعقاد سے روک دیااور سیمینار میں شرکت کیلئے آنے والے حریت رہنماؤں کو تشدد کانشانہ بنانے کے علاوہ متعدد کو گرفتار بھی کر لیا۔ کشمیر میڈیاسروس کے مطابق ” موجودہ صورتحال اور ہماری ذمہ داریاں“ کے عنوان سے سیمینار کا انعقاد دن گیارہ بجے سرینگر کے علاقے حیدر پورہ میں حریت کے دفترمیں ہونا تھا۔
بھارتی پولیس نے صبح سویرے دفتر کا گھیراؤ کر کے کسی کو اندر جانے کی اجازت نہیں دی۔ پولیس نے اس موقع پر حریت رہنماؤں اور کارکنوں کو تشدد کا نشانہ بھی بنایا جبکہ پیر سیف اللہ، محمد یوسف مجاہد ، غلام محمد خان سوپوری ، محمد عبداللہ طاری سمیت متعدد رہنماؤں کو گرفتار کر لیا۔(جاری ہے)
بھارتی پولیس کے اقدام کے خلاف حریت رہنماؤں اور کارکنوں نے حریت دفتر کے باہر زبردست احتجاجی دھرنا دیا۔
حریت رہنما نعیم احمد خان ، غلام نبی سمجھی اور دیگر نے دھرنے کے شرکا سے خطاب کرتے ہوئے کہا کہ قابض انتظامیہ نے مقبوضہ علاقے میں اظہار رائے کی آزادی کے حق کو قطعی طور پر سلب کررکھا ہے اور آزادی پسند تنظیموں کو پر امن سیاسی سرگرمیوں کی بھی اجازت حاصل نہیں۔ انہوں نے سیمینار کے انعقاد کو طاقت کے بل پر روکنے کی بھارتی پولیس کی کارروائی کی شدید مذمت کی۔ادھر کل جماعتی حریت کانفرنس کی اکائی جموں وکشمیر ڈیموکریٹک فریڈم پارٹی کے ترجمان نے سیمینار کے انعقاد کو روکنے اور پارٹی رہنما محمد عبداللہ اور دیگر کی گرفتاری کی شدید مذمت کی ہے۔ ترجمان نے ایک بیان میں کہا کہ اس طرح کے غیر جمہوری اقدامات اس بات کا ثبوت ہیں کہ کٹھ پتلی انتظامیہ حریت قیادت کا سیاسی طریقے سے مقابلہ کرنے میں ناکام ہو چکی ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.