پاکستان سعودی عرب کا ہر آزمائش پر پورا ترنے والا دوست ملک ہے، دونوں ممالک اسلام کے مضبوط رشتوں میں بندھے ہوئے ہیں، سعودی حکومت پاکستان کی حکومت کے ساتھ ملکر متاثرین آپریشن کی بھر پور امداد کر رہی ہے، دونوں ممالک
سعودی عرب اور پاکستان کے مابین بہترین دوستانہ تعلقات ہیں سعودی عرب کے نائب سفیر جاسم بن محمد الخالدی کا کھجوروں کے تحائف متاثرین میں تقسیم کرنے کے موقع پر خطاب
بدھ 11 مئی 2016 22:25
نوشہرہ (اُردو پوائنٹ اخبارتازہ ترین - آئی این پی۔11 مئی۔2016ء ) پاکستان میں تعینات سعودی عرب کے نائب سفیر جاسم بن محمد الخالدی نے کہا ہے کہ پاکستان سعودی عرب کا ہر آزمائش پر پورا ترنے والا دوست ملک ہے دونوں ممالک اسلام کے مضبوط رشتوں میں بندھے ہوئے ہیں، سعودی حکومت پاکستان کی حکومت کے ساتھ ملکر متاثرین آپریشن کی بھر پور امداد کر رہی ہے سعودی عرب اور پاکستان کے مابین بہترین دوستانہ تعلقات ہیں اور پاکستانی عوام اور حکومت سعودی حکومت اور عوام کو قدر کی نگاہ سے دیکھتے ہیں ، خادم حرمین الشریفین شاہ سلمان نے متاثرین اپریشن کے لیے 396 میٹرک ٹن کجھورکا تحفہ عالمی ادارہ خوارک کے حوالے کردیا۔
جو قبائل کے ایک لاکھ اڑتالیس ہزار متاثرین آپریشن اور غریب اور مستحق عوام میں تقسیم کیے جائیں متاثرین اپریشن کوبہت جلد سعودی حکومت کی جانب سے فراہم کریں گے۔(جاری ہے)
وہ گزشتہ روز جلوزئی کیمپ میں متاثرین اپریشن میں سعودی فرماں روا شاہ سلمان کی جانب سے کھجوروں کے تحائف متاثرین میں تقسیم کرنے کے موقع پر خطاب کر رہے تھے ۔ اس موقع پر ورلڈ فوڈ پروگرام کے پاکستان میں کنٹری ڈائریکٹر میڈیم لولا کاسترو ڈائریکٹر پی ڈی ایم اے اسرار خان، ڈائریکٹر اپریشن ایف ڈی ایم اے ڈاکٹر قاسم علی خان، ڈپٹی سیکرٹری وزارت سفران مرزا محمد ثنا الحق اور سیکشن آفیسر ای اینڈ اے حسیب شہباز امین بھی موجود تھے۔
جاسم بن محمد الخالدی نے کہا کہ پاکستان اور سعودی عرب برادر اسلام ممالک ہونے کی وجہ سے مضبوط رشتوں میں بندھے ہوئے ہیں اورپاکستان نے ہمیشہ سعودی عرب کی ہر موقع پر بھر پور حمایت کی اسی طرح سعودی فرماں روا شاہ سلمان نے بھی ہمیشہ پاکستان کی ہر فورم پر بھر پور حمایت کی۔انھوں نے کہا کہ سعودی حکومت نے ورلڈ فوڈ پروگرام کے تحت396 میٹرک ٹن کھجوریں مستحق پاکستانیوں کو فراہم کی۔یہ کھجوریں سعودی شاہ سلمان کی جانب سے بطور تحفہ دئیے گئے ہیں۔ یہ کھجوریں قبائل کے ایک لاکھ اڑتالیس ہزار رجسٹرڈ متاثرین اپریشن کو دی جائے گی۔جو اپنے گھروں کوواپس جارہے ہیں۔ انھوں نے خیبرپختونخوااور قبائلی علاقوں کے متاثرین کی بھر پور امداد کاوعدہ کیا اورکہا کہ سعودی حکومت پاکستان کی حکومت کے ساتھ ملکر ان متاثرین کی بھر پور امداد کرے گی۔ اس موقع پر ورلڈ فوڈ پروگرام کی پاکستان میں کنٹری ڈائریکٹر لولا کاسترو نے کہاکہ ورلڈ فو ڈ پروگرام کے تحت متاثرین اپریشن کو بہترین اشیاء خورد ونوش فراہم کی جارہی ہے۔ورلڈ فوڈ پروگرام عطیات دینے والے ممالک اور مخیر حضرات کو خوش آمد ید کہتا ہے۔ ہم سعودی حکومت کے ساتھ بہتر تعلقات کے خواہاں ہیں۔ اور امید کرتے ہیں کہ سعودی حکومت اسی طرح متاثرین اپریشن کی امداد جاری رکھے گی۔اور یہ کھجوریں اسی امداد اور تعاون کاسلسلہ ہے۔انھوں نے کہا کہ کھجوریں بہترین غذا ہے۔ جس سے انسانی جسم کو توانائی فراہم ہوتی ہے۔ سعودی نائب سفیر نے کیمپ میں متاثرین کے مسائل سے اگاہی حاصل کی۔ بعدازاں سفیر نے جلوزئی کیمپ میں ہسپتال کا دورہ کیا۔ اور وہاں پر متاثرین کی صحت کی سہولیات کاجائز ہ لیا۔ ادویات کے سٹور کامعائنہ کیا۔کافی دیر تک وہ کیمپ میں رہے بعدازاں چراٹ روڈ پر پی ڈی ایم اے اور ایف ڈی ایم اے اور عالمی ادارہ خوارک کے وائر ہاوس کادورہ کیا۔ انہیں جدید سٹورز کا دورہ بھی کرایا گیا۔مزید اہم خبریں
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
-
پولیس وردی پہننے پر مریم نواز تنقید کی زد میں، پولیس کی وضاحت
-
پٹرولیم ڈیلرز ایسوسی ایشن نے قیمتوں کو ڈی ریگولیٹ کرنے کی حکومتی پالیسی کو مسترد کر دیا
-
عمران خان اور بشریٰ بی بی کےخلاف انتقام کی انتہا کردی گئی،سینیٹر علی ظفر
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.