بلاول بھٹو زرداری کا وزیراعظم نواز شریف سے استعفے کا مطالبہ،کشمیر کے الیکشن میں(ن) لیگ جیت گئی تو سمجھوں گا نواز شریف اور مودی کی دوستی جیت گئی۔بلاول بھٹو
یہ ریاست کے ریاست سے تعلقات نہیں،انڈیا ہمارا دشمن جبکہ افغانستان اور ایران بھی ہمارے خلاف ہیں،وزیر اعلی ہاؤس پنجاب میں بیٹھے چھوٹو گینگ کا بھی خاتمہ کیا جائے،حکمرانوں نے تحریک آزادی کشمیر کو مذاق بنا دیا ہے،نواز شریف نے اپنی سالگرہ کا کیک مودی کے ہاتھوں کٹوا یا۔چیئرمین پیپلزپارٹی بلاول بھٹو زرداری کا جلسہ عام سے خطاب
ثنااللہ ناگرہ منگل 10 مئی 2016 18:34
باغ(اردوپوائنٹ اخبارتازہ ترین۔10مئی۔2016ء) : پاکستان پیپلزپارٹی کے چیئرمین بلاول بھٹو زرداری نے وزیراعظم سے استعفے کا مطالبہ کرتے ہوئے کہا ہے کہ کشمیر کے الیکشن میں(ن) لیگ جیت گئی تو سمجھوں گا نواز شریف اور مودی کی دوستی کی حمایت کی گئی، یہ ریاست کے ریاست سے تعلقات نہیں ، انڈیا ہمارا دشمن جبکہ افغانستان اور ایران بھی ہمارے خلاف ہیں ،وزیر اعلی ہاؤس پنجاب میں بیٹھے چھوٹو گینگ کا بھی خاتمہ کیا جائے، حکمرانوں نے تحریک آزادی کشمیر کو مذاق بنا دیا ہے ،نواز شریف نے اپنی سالگرہ کا کیک مودی کے ہاتھوں کٹوا یا،67 سال ہوگئے آج تک کشمیر سے متعلق اقوام متحدہ کی کسی قرار داد پر عمل نہیں ہوا،حکمرانوں نے تحریک آزادی کشمیر کو مذاق بنا دیا ہے۔
انہوں نے آزاد کشمیر باغ میں عوامی جلسہ سے خطاب کرتے ہوئے کہا کہ پاناما لیکس میں وزیراعظم کے خاندان کا نام سامنے آنے کے بعد وزیراعظم کے بیانات نے انہیں مشکل میں ڈال دیا ہے اور انہیں ملک نہیں بلکہ اپنا کاروبار عزیز ہے، نواز شریف میرا مطالبہ مان لیں اور گھر چلے جائیں۔(جاری ہے)
آج ن لیگ کے اقتدار کی کشتی ہچکولے کھا رہی ہے ، میاں صاحب آپ نے ہمارے لیڈروں کو جھوٹے مقدمات میں پھنسا دیا مگر وہ آپ کی طرح ملک سے بھاگنے والے نہیں مقدمات کا سامنا کریں گے ، آپ نہ تو اسمبلی میں آتے ہیں اور نہ ہی عوامی مطالبات کو تسلیم کرتے ہیں۔
وزیر اعظم سے استعفیٰ کے مطالبے پر انہوں نے کہا کہ نواز شریف نے وزیر اعظم یوسف رضا گیلانی سے ان کی حکومت میں الزامات پر استعفے کا مطالبہ کیا تھا، اب وہ تسلیم کریں کے اس وقت استعفے کا مطالبہ غلط تھا یا پھر استعفیٰ دے کر گھر چلے جائیں۔وفاقی وزیر خزانہ اسحاق ڈار کے حدیبیہ پیپر ملز کے منصوبے کا احتساب نہیں ہوتا جس میں انہوں نے خود منی لانڈرنگ کا اعتراف کیا تھا ۔انہوں کہا کہ چیف منسٹر پنجاب ہاوٴس میں بیٹھے چھوٹو گینگ کا بھی خاتمہ کرنا ہوگا۔یہ پہلا جلسہ ہے جو ایک خوشخبری کے ساتھ کررہا ہوں کیوں کہ میرے بھائی علی حیدر گیلانی کو آذادی ملی۔ ان کا کہنا تھا کہ کشمیر کا الیکشن اہم اور تاریخی ہے اور اگر یہاں سے (ن) لیگ جیت گئی تو ایسا لگے گا کہ نواز شریف کی مودی دوستی کی حمایت کی گئی ہے۔انہوں نے کہا کہ حکومت نے تین سال میں کشمیر پر بیان بازی کے علاوہ اور کچھ نہیں کیا نہ ہی کوئی منصوبہ شروع کیا ہے۔ کوئی یونیورسٹی ، کوئی ہسپتال نہیں بنایا گیا۔ انہوں نے عوام کو مخاطب کرتے ہوئے کہا کہ میرے ہاتھوں میں کمان ہے اور آپ کمان ہیں، آئیں مل کر ظالموں کیخلاف تیر چلائیں اور ان کا خاتمہ کردیں۔انکا کہنا تھا کہ انہوں نے کہا کہ میاں نواز شریف نے خارجہ پالیسی کا حلیہ ہی بگاڑ دیا ، یہ ریاست کے ریاست سے تعلقات نہیں ، انڈیا ہمارا دشمن ، افغانستان اور ایران بھی ہمارے خلاف ہیں ، کشمیری بھائیو یہ الیکشن آپ کی عزت اور کشمیر کے مستقبل کا سوال ہے۔اگر یہاں کے عوام نے الیکشن میں میرا ساتھ دیا تو میرا وعدہ ہے کہ میں اس ملک کو عالمی برادی میں اس کا اصل مقام دلاؤں گا ۔ آزاد کشمیر کے لوگو اگر آپنے ساتھ دیا تو بہت جلد ان سرکس کے شیروں کا کھیل ختم کر کے دیکھاؤں گا،میں انکا بیٹا ہوں جن کو شیروں کے شکاری کے نام سے پہچانا جاتا ہے، میرے دوستوں پیپلز پارٹی آزاد کشمیر کو ویسٹ جرمنی کی طرح دیکھنا چاہتی ہے،بلاول بھٹو کا کہنا تھا کہ مودی وہ شخص ہے جس کے ہاتھوں پر مسلمانوں کا خون ہے اور کئی ممالک اپنے ملک کا ویزہ دینے سے بھی گریز کرتے ہیں جبکہ ہمارے وزیر اعظم نواز شریف ان سے دوستی بڑھا رہے ہیں جبکہ وزیر اعظم کی ملوں سے را کے ایجنٹ بھی نکل رہے ہیں۔چےئرمین پیپلز پارٹی کا کہنا تھا کہ حکومت کی ناکام پالیسیوں سے غربت بڑھ رہی ہے ،مزدور پس رہا ہے اور غریب غریب تر ہوتا جا رہا ہے ،میاں صاحب آپنے جلسوں میں لوگوں کو کہہ رہے ہیں کہ ملک ترقی کر رہا ہے اگر ملک ترقی کر رہا ہے تو لوگو ں کو نظر کیوں نہیں آ رہا ہے،جس ترقی کی آپ بات کر رہے ہیں اس سے عوام میں خوشحالی نہیں تحتہ رائیونڈ میں خوشحالی آ رہی ہے۔مزید اہم خبریں
-
اگلے 5 دنوں میں طوفانی بارشوں کے باعث کسانوں کا بے تحاشہ نقصان ہونے کا خدشہ
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.