کراچی ہول سیل گروسرز ایسوسی ایشن کا اجناس کی قیمتوں میں من مانا اضافہ کرنیوالے تاجروں کیخلاف کارروائی کا اعلان
منگل 10 مئی 2016 16:50
کراچی(اُردو پوائنٹ اخبارتازہ ترین - این این آئی۔10 مئی۔2016ء) کراچی ہول سیل گروسرز ایسوسی ایشن نے ماہِ رمضان المبارک میں اجناس کی قیمتوں میں ناجائز اور من مانا اضافہ کرنے والے تاجروں کیخلاف کارروائی کا اعلان کردیا ہے، ایسوسی ایشن ایسے کسی بھی اقدام کی حمایت نہیں کریگی جس سے صارفین کی مشکلات میں اضافہ ہو، ذخیرہ اندوزوں اور ناجائز منافع خوروں کے خلاف انتظامیہ سے مکمل تعاون اور ایماندار تاجروں کے خلاف کسی بھی قسم کی ذیادتی نہیں ہونے دینگے، اناج کے تاجروں سے ماہِ مقدّس میں صارفین کیلئے اشیائے ضروریہ کے رعائتی پیکیج بھی متعارف کروانے کی اپیل، یہ فیصلہ کراچی ہولسیل گروسرز ایسوسی ایشن کے چیئرمین انیس مجید کی زیرِصدارت مرکزی دفتر میں اجناس کے تاجروں کے ایک ہنگامی اجلاس میں کیا گیا جس میں آل کراچی تاجر اتحاد کے چیئرمین عتیق میر مہمانِ خصوصی کی حیثیت سے شریک تھے، اجلاس میں جوڑیا بازار، لیاقت آباد اور لانڈھی سمیت شہر کی تمام اہم اور مرکزی گروسرز ایسوسی ایشنز نے شرکت کرکے فیصلے کی توثیق اور حمایت کی جن میں ریٹیلر گروسز الائینس کے صدر انصار بیگ قادری، شاہد ویرانی،جعفر کوڈیا ،عبدلرحمن ،زاہد علی بخاری ،جاوید اقبال ،ملک ذوالفقار ،حاجی ذکریا جیلانی ،الطاف میمن ،بشیر لاٹی والا اور دیگر افراد شامل تھے، انیس مجید نے اجلاس سے خطاب کرتے ہوئے کہا کہ منافع خور مافیا گذشتہ کئی سال سے رمضان المبارک کی آمد سے قبل ہی سرگرم ہوجاتا ہے اور اشیائے ضروریہ کی ناجائز طور پر ذخیرہ اندوزی اور قیمتوں میں من مانا اضافہ کردیا جاتا ہے، خصوصی طور پر بیسن،کابلی چنا،دال چنا ،چینی اور دیگر اشیاء جن کا رمضان المبارک میں استعمال بڑھ جاتا ہے ایسی اشیاء کی قیمتوں میں ناجائز طور پر اضافہ کردیا جاتا ہے، انھوں نے کہا کہ ایسے موقع پرست تاجروں کے خلاف انتظامیہ اور اداروں کی کارروائی کی زد میں ایسے تاجر بھی آجاتے ہیں جن کا ایسے مذموم کاروبار سے کوئی تعلق نہیں ہوتا، انھوں نے حکومت اور قیمتوں میں ناجائز اضافے کی روک تھام کے اداروں سے اپیل کی ہے کہ اشیاء کی قیمتوں کی فہرست منصفانہ اور حقائق پر مبنی بنائی جائے تاکہ صارفین گمراہ اور تاجروں کیلئے مشکلات پیدا نہ ہوں، اس موقع پر اجلاس کے مہمانِ خصوصی عتیق میر نے اجناس کے تاجروں کے جذبے اور عزائم کو سراہتے ہوئے کہا کہ عام ضروریات کی اشیاء کے تمام تاجروں کو تہیہ کرلینا چاہیئے کہ کم آمدنی کے حامل اور غریب افراد سے تعاون اور مدد بھی ماہِ مقدس کی اعلیٰ درجے کی عبادت ہے، اشیائے خورد و نوش، کپڑے، جوتے، کھلونے، ادویات اور دیگر تمام اشیاء کے تاجر خصوصاً ماہِ رمضان میں لوٹ کھسوٹ سے گریز کرتے ہوئے خریداروں کو قیمتوں میں خصوصی رعایت دیں، انھوں نے کہا کہ وہ رواں ہفتے اجناس کے تاجروں کے ہمراہ کمشنر کراچی اور ناجائز قیمتوں کی روک تھام کے ذمے دار اداروں سے ملاقات کرینگے اور مصنوعی مہنگائی کی روک تھام کے تحت مئوثرلائحہ عمل تیار کرینگے تاکہ کمتر وسائل کے حامل روزہ دار کیلئے رمضان کی عبادت اور عید کی خوشیاں دوبالا ہوسکیں، انھوں نے کہا کہ انتظامیہ کو چوروں اور تاجروں میں تفریق کرنا ہوگی، قانون کی گرفت میں ناجائز منافع خوروں کے علاوہ ان کے سرکاری سرپرستوں اور سہولت کاروں کو بھی لایا جائے، انھوں نے کہا کہ آل کراچی تاجر اتحاد گزشتہ سالوں کی طرح اس سال بھی عید اور رمضان کی ضروریات فروخت کرنے والے تاجروں کو ناجائز منافع خوری سے روکنے اور رعائتیں متعارف کروانے کے تحت اپنا بھرپور اور فعال کردار ادا کریگا۔
متعلقہ عنوان :
مزید تجارتی خبریں
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.