سرکاری شعبہ کے ترقیاتی پروگرام کے تحت زرعی شعبہ پر خصوصی توجہ وقت کی ضرورت ہے،احمد جواد
منگل 10 مئی 2016 11:14
اسلام آباد ۔10مئی (اُردو پوائنٹ اخبارتازہ ترین - اے پی پی۔10 مئی۔2016ء) فیڈریشن آف پاکستان چیمبر آف کامرس اینڈانڈسٹری( ایف پی سی سی آئی ) کی ریجنل قائمہ کمیٹی برائے ہارٹیکلچر ایکسپورٹ کے چیئرمین احمد جواد نے کہاہے کہ سرکاری شعبہ کاترقیاتی پروگرام ( پی ایس ڈی پی) ملک کی سماجی و معاشی صورتحال کی ترقی کیلئے اہم عنصر ہے ۔منگل کو اے پی پی سے خصوصی بات چیت کے دوران انہوں نے کہاکہ پی ایس ڈی پی کے تحت زرعی شعبہ کی ترقی کیلئے متعدد اقدامات کا اعلان کیا گیالیکن اس سے شعبہ کی برآمدات میں خاطر خواہ اضافہ نہ ہوسکا۔
انہوں نے کہاکہ گزشتہ تین سال کے دوران سٹریٹیجک ٹریڈ پالیسی فریم ورک کیلئے 10ہزار 2سو ملین روپے مختص کیے گئے ہیں لیکن برآمدی شعبہ کی کارکردگی میں اضافہ نہ ہونا باعث تشویش ہے۔(جاری ہے)
انہوں نے بتایاکہ دنیا کے دیگر ممالک کے مقابلہ میں پاکستان میں فی ایکڑ پیداوار کم ہونے کی وجہ سے برآمدات میں اضافہ نہ ہو سکا۔ ایک سوا ل کے جواب میں احمد جواد نے کہاکہ زرعی شعبہ کو پی ایس ڈی پی کے تحت خصوصی توجہ کی ضرورت ہے تاکہ ملک کی برآمدات اور مجموعی قومی پیداوار کو بڑھایاجاسکے جس سے غذائی تحفظ کو بھی یقینی بنایاجاسکے گا۔
انہوں نے تاسف کا اظہار کرتے ہوئے کہاکہ ایک زرعی معیشت ہونے کے باوجود ہم زیادہ تر زرعی مصنوعات درآمد کرتے ہیں جن کیلئے قیمتی زرمبادلہ خرچ کرناپڑتا ہے۔ انہوں نے کہاکہ زرعی شعبہ کو پوسٹ ہارویسٹ کے مسائل کابھی سامنا ہے اور ہماری 40 فیصد پیداوار ضائع ہوجاتی ہے جس سے کاشتکار کے نقصانات بڑھ جاتے ہیں ۔ احمد جواد نے کہاکہ ہمیں ہارٹیکلچر کیلئے برآمدی ہالیسی مرتب کرنی چاہیے اور ہائی برڈ بیجوں کیلئے بھی خصوصی فنڈز فراہم کرنے ہوں گے تاکہ زرعی پیداوار اور برآمدات کو بڑھایا جاسکے۔ انہوں نے کہاکہ بنیادی ڈھانچے کی ترقی کیلئے پی ایس ڈی پی کے ساتھ ساستھ سرکاری اور نجی شعبہ کی شراکت سے منصوبے شروع کرنے کی ضرورت ہے۔ اس کے علاوہ نئی تجارتی منڈیوں کی تلاش کاکام بھی ہنگامی بنیادوں پر کرنا چاہیے۔ انہوں نے کہاکہ پی ایس ڈی پی ملک کی سماجی ومعاشی ترقی کیلئے ریڑھ کی ہڈی کی حیثیت کاحامل ہے لہٰذا اس کے تحت زرعی شعبہ پر خصوصی توجہ دینا وقت کی اہم ضرورت ہے۔مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.