وزیراعظم اور وزیراعلیٰ پنجاب کے مابین اتوار کو لاہور میں کوئی ملاقات نہیں ہوئی، بے بنیاد خبروں کی اشاعت اور نشر کرنے سے گریز کیا جائے
پی آئی او راؤ تحسین علی خان کا اخبارات، نیوز ایجنسیوں اور ٹی وی چینلز کے ڈائریکٹر نیوز کو خط
پیر 9 مئی 2016 22:29
اسلام آباد ۔ 9 مئی (اُردو پوائنٹ اخبارتازہ ترین - اے پی پی۔09 مئی۔2016ء) پرنسپل انفارمیشن آفیسر (پی آئی او) راؤ تحسین علی خان نے اخبارات، نیوز ایجنسیوں اور ٹی وی چینلز کے ڈائریکٹر نیوز کو ایک خط لکھا ہے جس میں درخواست کی گئی ہے کہ وہ بے بنیاد خبروں کی اشاعت اور نشر کرنے سے گریز کریں۔ بعض ٹی وی چینلز پر چلائی گئی ایک خبر کی تردید کرتے ہوئے انہوں نے کہا کہ وزیراعظم محمد نواز شریف اور پنجاب کے وزیراعلیٰ شہباز شریف کے مابین اتوار کو لاہور کے دورہ کے دوران کوئی ملاقات نہیں ہوئی۔
پرنسپل انفارمیشن آفیسر نے اس خبر کو بے بنیاد اور من گھڑت قرار دیتے ہوئے کہا کہ گمراہ کن خبر میں حالیہ سیاسی معاملات پر حکومتی پوزیشن سے متعلق وزیراعظم کے مبینہ مخصوص جملے بھی نشر کئے گئے ہیں۔(جاری ہے)
انہوں نے کہا کہ ٹی وی چینلوں، اخبارات اور نیوز ایجنسیوں کے نمائندگان نے ہفتہ کے اختتام پر جبکہ وزیراعظم کے لاہور کے دورہ، جس میں وہ اپنے اہلخانہ بشمول اپنی والدہ اور بھائی کے ساتھ کچھ وقت گزارتے ہیں، خبر شائع کرنا معمول بنا لیا ہے۔
انہوں نے کہا کہ اس طرح کے معمول کے فیملی کے اجتماع کے بارے میں خبریں شائع کرنا نہایت نامناسب ہے۔ انہوں نے کہا کہ بدقسمتی سے اس ہفتہ کے اختتام پر بھی کسی بھی رپورٹر نے وزیراعظم آفس یا وفاقی وزارت اطلاعات، نشریات و قومی ورثہ کے کسی بھی افسر سے خبروں کی تصدیق کے حوالہ سے رابطہ نہیں کیا۔ انہوں نے درخواست کی کہ اس طرح کی غیر ذمہ دارانہ خبروں کی اشاعت اور انہیں نشر کرنے سے گریز کیا جائے۔ پی آئی او نے کہا کہ اس طرح کی خبروں کو شائع یا نشر کرنے سے پہلے وزیراعظم آفس یا وزارت اطلاعات و نشریات کے افسران بشمول متعلقہ سیکرٹری اور پرنسپل انفارمیشن آفیسر سے تصدیق کیلئے رابطہ کیا جا سکتا ہے۔متعلقہ عنوان :
مزید اہم خبریں
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
-
اسٹیٹ بینک کی مارکیٹ سے ریکارڈ 4.2 ارب ڈالر کی خریداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.