سیکیورٹی فورسز کی کارروائیاں، گینگ وار کے دو کارندے ہلاک
پیر 9 مئی 2016 15:23
کراچی(اُردو پوائنٹ اخبارتازہ ترین - این این آئی۔09 مئی۔2016ء) کراچی کے علاقے لیاری میں پولیس مقابلوں میں گینگ وار کے دوکارندے مارے گئے جبکہ پولیس نے مختلف علاقوں میں کارروائیاں کرکے گینگ وار کے کارندوں سمیت9ملزمان کو گرفتار کرلیا ہے۔تفصیلات کے مطابق اتواراورپیر کی درمیانی شب کلری پولیس سے مبینہ مقابلے میں لیاری گینگ وار بابا لاڈلہ گروپ کا اہم کمانڈرنقیب عرف مایا مارا گیا۔
ایس ایس پی سٹی فدا حسین جانوری کے مطابق ہلاک ملزم 12 افراد کی ٹارگٹ کلنگ اور گرنیڈ حملوں میں ملوث تھا۔اسی دوران نیپئر پولیس سے مقابلے میں لیاری گینگ وار عزیر بلوچ گروپ کا کارندہ مصطفی بھی مارا گیا۔مارا جانے والا ملزم پولیس کو بھتہ خوری ، قتل اوراقدام قتل سمیت دیگر سنگین وارداتوں میں مطلوب تھا۔(جاری ہے)
دوسری طرف سٹی ڈسٹرکٹ پولیس نے مختلف علاقوں میں چھاپہ مار کر لیاری گینگ وار کے 3 ملزمان کامران ،انیس اور زوہیب کو گرفتار کر کے اسلحہ برآمد کر لیا۔
پولیس کے مطابق گرفتار تینوں ملزمان گزشتہ روز لیاری میں ہونے والے دستی بم حملے میں ملوث تھے۔یاد رہے کہ مذکورہ دستی بم حملوں میں 14 افراد لہو لہان ہو گئے تھے۔ادھر ملیر سٹی پولیس نے ملیر آسو گوٹھ میں واقع ایک مکان پر چھاپہ مار کر لیاری گینگ وار عزیر بلوچ گروپ کے اہم ملزم یاسین عرف ماما گڈی کو گرفتار کر کے اسلحہ اور دستی بم برآمد کر لیا ہے۔پولیس کے مطابق گرفتار ملزم پولیس اہلکاروں سمیت 4 افراد کی ٹارگٹ کلنگ میں ملوث ہے۔ ادھر گارڈن پولیس نے دو اسٹریٹ کرمنلز ذیشان عرف شانی اور اسد عرف رئیس کو گرفتار کر لیا جبکہ پاکستان بازار انویسٹی گیشن پولیس نے اسٹریٹ کرائم میں ملوث 3 ملزمان افضل،وقاص اور محمد رئیس کو گرفتار کرکے ان کے قبضے سے اسلحہ اور مومن آباد کے علاقے سے چھینی گئی موٹر سائیکل برآمد کر لی ہے ۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.