آپٹما کا صنعتوں کے لیے نئے گیس کنکشنز پر عائد پابندی ختم کرنے کے فیصلے کا خیرمقدم
پیر 9 مئی 2016 15:15
کراچی(اُردو پوائنٹ اخبارتازہ ترین - این این آئی۔09 مئی۔2016ء) آل پاکستان ٹیکسٹائل ملز ایسوسی ایشن (آپٹما) نے حکومت کی جانب سے صنعتوں کے لیے نئے گیس کنکشنز پر عائد پابندی ختم کرنے کے فیصلے کا خیرمقدم کرتے ہوئے کہا ہے کہ اس فیصلے سے نہ صرف صنعتوں کی پیداوار میں اضافہ ہوگا بلکہ ملکی برآمدات بھی بڑھیں گی جس سے ملک میں بے روزگاری میں کمی آئے گی ،آپٹما کے چیئرمین طارق سعود نے صنعتوں کے لیے نئے گیس کنکشنز پر عائد پابندی ختم کرنے کرنے کے فیصلے پر وزیراعظم پاکستان میاں نواز شریف اور وفاقی وزیر پٹرولیم و قدرتی وسائل شاہد خاقان عباسی کا شکریہ اداکیاہے، ان کا کہناہے کہ حکومت نے آپٹما کی جانب سے کیے جانے والے دیرینہ مطالبے کوتسلیم کرتے ہوئے پورے ملک میں صنعتوں کے لیے نئے گیس کنکشن پر عائد پابندی ختم کردی ہے،طارق سعود نے کہا کہ آر ایل این جی کی درآمد کے بعد پنجاب میں گیس کی دستیابی میں اضافہ ہواہے جس سے صنعتی سرگرمیوں میں جزوی طورپر بہتری آگئی ہے،صنعتوں کے لیے نئے گیس کنکشنز ملنے سے نہ صرف صنعتی سرگرمیوں میں اضافہ ہوگا بلکہ اس فیصلے سے ملک میں روزگار کے نئے مواقع بھی دستیاب ہوں گے، آپٹما کے چیئرمین کا کہناتھا کہ8نکاتی ٹیکسٹائل انڈسٹری پیکیج پر جزوی عملدرآمدکی وجہ سے اس وقت پاکستان سے ٹیکسٹائل انڈسٹری کی برآمدات شدید دباؤ کا شکارہیں،ان کا کہناتھا کہ کاروباری لاگت بڑھنے اور مقامی کرنسی کی غیر حقیقی قدر بھی برآمدات پر دباؤ کی وجوہات میں شامل ہیں اس کے علاوہ سیلز ٹیکس، انکم ٹیکس اورریبیٹ کی مدمیں برآمدکنندگان کے200ارب روپے کے ریفنڈز کی عدم ادائیگی کی وجہ سے بھی صنعتی سرگرمیاں بری طرح متاثرہورہی ہیں،طارق سعود کا کہناہے کہ مسلسل نقصانات کی وجہ سے اور لیکیوڈیٹی کی کمی برآمدات کے لیے مطلوبہ پیداوار کرنے کی راہ میں بڑی رکاوٹ ہے جبکہ حکومت نے برآمدکنندگان کے ریفنڈز اپنے ریونیو اکاؤنٹ میں جمع کررکھے ہیں جو مناسب پالیسی نہیں ہے،طارق سعود نے حکومت پر زور دیا کہ وسیع تر قومی معاشی مفاد کے پیش نظر برآمدکنندگان کے قابل ادا ریفنڈز فوری طورپر اداکیے جائیں تاکہ انڈسٹریل آپریشنز کو بہتر بنانے کے لیے ورکنگ کیپیٹل دستیاب ہوسکے،انہوں نے حکومت سے مطالبہ کیا کہ پوری ٹیکسٹائل چین پر عائد گیس انفرااسٹرکچر ڈیولپمنٹ سیس(جی آئی ڈی سی) اور الیکٹریسٹی سرچارج کا مکمل خاتمہ کیا جائے ، بالواسطہ اور بلاواسطہ برآمدات کو زیرو ریٹڈ کیا جائے ، اس کے علاوہ مقامی تجارت کو محفوظ بنانے کے لیے چیپٹر 55کے تحت درآمدہونے والے سینتھیٹک یارن اور فیبرک کی درآمد پر 15فی صد کی شرح سے ریگولیٹری ڈیوٹی عائد کی جائے۔
مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.