پانامہ لیکس کا دوسرا دھماکہ، عمران خان اب کیا کریں گے؟
سمیرا فقیرحسین پیر 9 مئی 2016 10:58
اسلام آباد(اُردو پوائنٹ تازہ ترین اخبار۔09 مئی 2016ء) : پی ٹی آئی چئیر مین عمران خان نے پانامہ لیکس کی پہلی قسط میں وزیر اعظم نواز شریف کے بچوں کے نام آنے پر ایک سیاسی ہیجان پیدا کر دیا تھا جبکہ عمران خان کی جانب سے وزیر اعظم نوازشریف کے اخلاقی طور پر فی الفور مستعفی ہونے کا مطالبہ بھی کیا جا رہا تھا۔ پی ٹی آئی چئیر مین عمران خان نے پانامہ لیکس کے معاملے پر تمام اپوزیشن جماعتوں کی حمایت حاصل کی اور انکوائری کمیشن کے قیام کے لیے تمام اپوزیشن جماعتوں نے متفقہ ٹی او آرز مرتب کر کے حکومت کو ایک خط سمیت ارسال بھی کر دئے۔
پانامہ لیکس کی پہلی قسط سے لے کر حکومت کی جانب سے انکوائری کمیشن کے قیام پر رضا مندی تک عمران خان وزیر اعظم سے استعفے کا مطالبہ بھی کرتے رہے لیکن محض دو جماعتوں کے انکار پر استعفے کا مطالبہ اپوزیشن کے متفقہ مطالبات میں سے نکال دیا گیا۔(جاری ہے)
تاہم اب پانامہ لیکس کی دوسری قسط میں پی ٹی آئی رہنما علیم خان کا نام بھی شامل ہے۔ علیم خان نے پانامہ لیکس کی دوسرے قسط آنے سے قبل دعویٰ کیا تھا کہ گوشواروں میں ظاہر کی گئی ان کی آف شور کمپنی کا نام ریکارڈ میں نہیں آئے گا لیکن ان کا یہ دعویٰ غلط ثابت ہوا اور ان کا نام بھی پانامہ لیکس کی دوسری قسط کے ریکارڈ میں موجود ہے۔
وہیں دوسری جانب عمران خان کے قریبی ساتی زلفی بخاری بھی پانامہ لیکس کی دوسری قسط کا شکار ہو گئے، سید ذوالفقار عباس بخاری اور ان کی بہنیں 6 آف شور کمپنیوں کے مالک ہیں جن میں کے فیکٹر لمیٹڈ، بریڈ بری ریسورس لمیٹڈ، بے ٹیک لمیٹڈ، بائلا ٹریڈنگ لمیٹڈ، کیسنٹم ٹریڈنگ لمیٹڈ اور پوریم ٹریڈنگ لمیٹڈ شامل ہیں۔ اب سوال یہ ہے کہ وزیر اعظم نوازشریف کے بچوں کا نام پانامہ لیکس کی پہلی قسط میں آنے پر استعفے کا مطالبہ کرنے والے عمران خان اپنے قریبی ساتھیوں علیم خان اور ذوالفقار عباس بخاری کا نام پانامہ لیکس کی دوسری قسط میں آنے پر کیا لائحہ عمل اختیار کرتے ہیں۔متعلقہ عنوان :
مزید اہم خبریں
-
پاکستان کی ترقی و خوشحالی کے لیے وفاق اور صوبوں میں گہرا تعاون اور تعلق کو پذیرائی دینے کی ضرورت ہے.شہبازشریف
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
-
شمالی کوریا کا وفد کے ایران کے غیر معمولی دورے پر
-
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
-
شیخ رشید کے خلاف ایک الزام پر درج متعدد مقدمات کے خلاف کیس کا فیصلہ محفوظ
-
بشریٰ بی بی کو زہردیے جانے کے خدشہ کا کیس، پیرتک ٹیسٹ کروا کر رپورٹ عدالت میں جمع کروانے کا حکم
-
وزیراعظم شہبازشریف نے مختلف شعبوں میں نمایاں کارکردگی دکھانے والے نوجوانوں سے مزارقائد پر پاکستان کی خدمت کرنے کا حلف لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.