پاکستان ہندوکونسل سینیٹ کمیٹی برائے انسانی حقوق کی تشویش کو قدر کی نگاہ سے دیکھتی ہے، ڈاکٹر رمیش کمارونکوانی
سندھ حکومت کے پیش کردہ اعدادو شمار کو درست تصور کیا جائے تو مطلب ہے تھر کے بدحال عوام کے پاس کم از کم 6ماہ کیلئے خوراک کا وافر ذخیرہ موجود ہونا چاہئے،رکن قومی اسمبلی کی سینیٹ کمیٹی برائے انسانی حقوق ،صحافیوں کو دورہِ تھر کی دعوت
جمعہ 6 مئی 2016 20:17
اسلام آباد (اُردو پوائنٹ اخبارتازہ ترین - این این آئی۔06 مئی۔2016ء) پاکستان ہندوکونسل کے سرپرست ِ اعلیٰ اور ممبرقومی اسمبلی ڈاکٹر رمیش کمارونکوانی نے ان میڈیا اطلاعات کی پرزور الفاظ میں تائید کی ہے جن میں کہا گیا ہے کہ سینیٹ کمیٹی برائے انسانی حقوق کے حالیہ اجلاس کے دوران ممبران تھر کے عوام کی حالت زار کا ذمہ دار کرپشن اور امدادی فنڈز میں خردبردسمجھتے ہیں، سینیٹ کمیٹی ممبران نے اس امر پر سخت تعجب کا اظہار کیا تھا کہ سندھ حکومت کے افسران کی تھر کیلئے پیش کردہ امدادی رپورٹ میں تھر کے نام پر خاصی بڑی رقوم خرچ کی گئی ہیں لیکن عملی طور پر تھر کے عوام کی بدحالی دور کرنے فنڈز کے شفاف استعمال کا کوئی ثبوت نہیں۔
قومی اسمبلی میں تھر کی نمائندگی کرنے والے ڈاکٹر رمیش ونکوانی نے اپنے تبصرے میں کہا کہ پاکستان ہندوکونسل عرصہ دراز سے تھرکے عوام کی خوشحالی اور سیکیورٹی یقینی بنانے کیلئے آواز بلند کرتی آئی ہے اور مختلف مواقعوں پر تھر کو لاقانونیت اور کرپشن کا گڑھ بنائے جانے پر احتجاج ریکارڈ کرایا ہے۔(جاری ہے)
انہوں نے تھر اور عمرکوٹ میں غنڈہ گردی اور بے یقینی کے بڑھاوے کا ذمہ دار پیپلز پارٹی کی مقامی قیادت فقیرشیر محمد ایم این اے ،مہیش کمار ملانی ایم پی اے سمیت دیگر کو ٹھہراتے ہوئے سند ھ حکومت کی چشم پوشی کو افسوسناک قرار دیا، ڈاکٹر رمیش کمار نے تھرپارکر سے ایم این اے فقیر شیر محمد بلالانی اور نوابشاہ سے ایم این اے سید غلام مصطفی شاہ ، سردار نواب خان چانڈیو و دیگر ساتھیوں کے ہمراہ تھر میں نایاب نسل کے ہرنوں کے شکار پر بھی سخت افسوس کا اظہار کیا ۔
ڈاکٹر رمیش ونکوانی نے سینٹ کمیٹی اجلاس کے دوران ایک ممبر کے ریمارکس سے متفق ہوتے ہوئے کہا کہ اگر سندھ حکومت کے پیش کردہ اعدادو شمار کو درست تصور کرلیا جائے تو اسکا مطلب ہے کہ تھر کے بدحال عوام کے پاس کم از کم چھ ماہ کیلئے خوراک کا وافر ذخیرہ موجود ہونا چاہئے، ڈاکٹر رمیش کمار نے وزیراعظم پاکستان سے استدعا کی کہ وہ سینیٹ کمیٹی برائے انسانی حقوق کی تشویش پر ذمہ داران کے خلاف سخت ایکشن لینے کے احکامات صادر کریں۔ پاکستان ہندوکونسل کے سرپرستِ اعلیٰ ڈاکٹر رمیش کمار ونکوانی نے سینٹ کمیٹی برائے انسانی حقوق کے ممبران اور صحافیوں کو تھر میں بسنے والوں کی حالتِ زار کا جائزہ لینے کیلئے انہیں دورہِ تھر کی دعوت دیتے ہوئے اپنے بھرپور تعاون کی بھی یقین دہانی کرائی۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.