متحدہ قومی موومنٹ نے15 مئی کو شیڈو بجٹ پیش کرنے کا اعلان کردیا
جمعہ 6 مئی 2016 16:41
کراچی(اُردو پوائنٹ اخبارتازہ ترین - این این آئی۔06 مئی۔2016ء) متحدہ قومی موومنٹ(ایم کیو ایم) نے15 مئی کو شیڈو بجٹ پیش کرنے کا اعلان کردیاہے۔ سندھ اسمبلی میں اپوزیشن لیڈر خواجہ اظہارالحسن نے کہا ہے کہ سندھ میں پانی کا مسئلہ حل نہ ہوا تو فسادات ہوں گے۔ سندھ میں ایک وزیر اعلی نہیں کئی وزرائے اعلی ہیں۔ خورشید شاہ وزیر اعظم سے جواب مانگ رہے ہیں ، وزیر اعلی سندھ سے جواب کب مانگیں گے ۔
سندھ کے وزراء نااہل ہیں۔ وہ جمعہ کو سندھ اسمبلی بلڈنگ میں پریس کانفرنس سے خطاب کررہے تھے ۔اس موقع پر سندھ اسمبلی میں ایم کیو ایم کے پارلیمانی لیڈر سید سردار احمد اور دیگرارکان بھی موجود تھے ۔خواجہ ظہار الحسن نے کہا کہ ایم کیو ایم سندھ کی دوسری اور کراچی شہر کی سب سے بڑی منتخب جماعت ہے۔(جاری ہے)
پچھلے سال انہیں دنوں میں پانی کا بحران تھا جو آج بھی ہے۔
اس وقت کراچی کربلا ما منظر پیش کر رہا ہے۔سندھ حکومت پانی تک فراہم کرنے میں ناکام گئی ہے۔ٹینکرز کے ذریعے پانی سپلائی کی اسکیم بھی کرپشن کا ذریعہ تھی۔سندھ حکومت ساڑھے 6 سو ارب روپے خرچ کر چکی ہے لیکن کراچی کے شہریوں کو پانی میسر نہیں ہے ۔یہی صورت حال رہی تو کراچی میں فسادات پھوٹ پڑیں گے ۔انہوں نے کہا کہ میڈیا گواہ رہے کہ ہم نے اس صورت حال کے حوالے سے وزیراعلیٰ سندھ کو خط لکھ دیا ہے ۔وزیر اعلی سندھ سے ملنے جائیں تو وہ سرکاری چائے پلا کررخصت کر دیتے ہیں خط لکھیں تو جواب نہیں دیتے ہیں ۔انہوں نے کہا کہ اسکولوں میں امتحانات چل رہے ہیں لیکن نہ پانی ہے نہ باتھ رومز ہیں۔بچے بھوکے پیاسے پسینے میں شرابور ہیں اور وزرا فوٹو سیشن کرنے میں مصروف ہیں۔ پانی کے معاملے میں 200 ارب روپے کی کرپشن کا کیا ہوا۔پانی کرپشن کی جے آئی ٹی کا کیا ہوا۔آخر کیوں سب ادارے خاموش ہیں، کیوں تحقیقات سے گریز کیا جا رہا ہے۔ہم نے رینجرز اور نیب کو بھی درخواست دی ہے کہ کرپشن کے اس معاملے کو بھی دیکھا جائے ۔امن امان کی کوششیں کب تک جاری رہیں گی کہ پانی بھی نہ ملے۔رمضان المبارک کا مہینہ آرہا ہے اور شدید گرمی کے موسم میں پانی کی سپلائی کی بہتری کے لیے صوبائی حکومت نے اب تک کچھ بھی نہیں کیا ہے ۔پانی کے معاملے پر اگر فسادات ہوئے تو ذمہ دار سندھ حکومت اور ان کی شاہانہ کابینہ ہوگی۔ہمیں سندھ حکومت سے کوئی امید نہیں،اس کے وزرا نااہل ہیں۔ہم نے قلت آب کی بدترین صورتحال پر گورنر سندھ ،کور کمانڈر کو بھی آگاہ کر دیا ہے۔انہوں نے کہا کہ وزیر بلدیات کی نیت پر شک نہیں ان سے ہمدردی ہے۔سابق وزیر بلدیات نے کرپشن کا بازار گرم کیا ۔ہم سندھ حکومت کو لکھا خط میڈیا میں بھی پیش کر رہے ہیں۔میڈیا مل کر آواز اٹھائے شاید کسی کو شرم آجائے اور عوام کو پانی مل سکے۔انہوں نے کہا کہ وزیر اعلی سندھ ہمیں سرکاری خرچے سے چائے پلاتے ہیں اور خدا پر بھروسے کا کہتے ہیں،جب جب سی ایم ہاوٴس جاتا ہوں ایمان تازہ ہوجاتا ہے۔انہوں نے کہا کہ خورشید شاہ کو کامخاطب کرتے ہوئے کہا کہ آپ وزیر اعظم سے خطوط کے جواب مانگتے ہیں یہاں بھی تو دیکھیں۔آپ پنامہ لیکس کی بات کر رہے ہو اور ہم پاجاما لیکس کی بات کر رہے ہیں۔آپ وزیراعظم سے جواب مانگتے ہو ہم وزیر اعلی سے جواب مانگتے ہیں۔آپ اور ہم کرپشن کے خلاف ہیں تو اپنے وزیر اعلیٰ سے ذرا بات تو کریں ۔اس موقع پر سیدسردار احمد نے کہا کہ ایم کیو ایم کی جانب سے 15مئی کو شیڈو بجٹ پیش کیا جائے گا ۔مہنگائی بہت بڑھ گئی ہے اور بیروزگاری بہت زیادہ ہے اس لیے ہم بجٹ میں کسی نئے ٹیکس کی تجویز نہیں دیں گے ۔ہماری شیڈو بجٹ کے نقاط بہت سادہ اور عوامی ہیں۔ ایم کیو ایم کے رکن سندھ اسمبلی خالد احمد نے کہا کہ سندھ حکومت چاروں صوبوں میں کرپشن کے معاملے میں سب سے آگے ہے۔ پانی کے چار بڑے منصوبے کے لیے بجٹ میں اربوں روپے رکھے گئے لیکن کسی بھی منصوبے پر ایک پیسہ بھی خرچ نہیں ہوا ۔متعلقہ عنوان :
مزید اہم خبریں
-
نو مئی: فوج کے غصے اور خان کی مقبولیت میں کوئی کمی نہیں آئی
-
کورکمانڈر ہاؤس تک کتنے ناکے لگے ہوتے ہیں، 9 مئی کو پولیس کہاں تھی؟
-
خیبرپختونخواہ کسانوں سے 3900 روپے کی قیمت پر گندم خریداری مہم شروع کرنے والا پہلا صوبہ بن گیا
-
قوم اور پاکستان نو مئی کے مجرموں کو بھولے ہیں نہ بھولیں گے
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.