سکولوں میں اساتذہ کی کمی پوری کرنے کیلئے 15ہزار نئی آسامیاں پیدا کی جائیں گی، محمد عاطف خان
آئندہ مالی سال کے بجٹ میں تعلیمی اداروں کی ضروریات کو پورا کرنے کیلئے بھی کثیر رقوم مختص کی جائینگی، وزیرابتدائی و ثانوی تعلیم کے پی کے
جمعرات 5 مئی 2016 20:44
پشاور(اُردو پوائنٹ اخبارتازہ ترین - این این آئی۔05 مئی۔2016ء) خیبر پختونخوا کے وزیرابتدائی و ثانوی تعلیم محمد عاطف خان نے کہا ہے کہ سکولوں میں اساتذہ کی کمی پوری کرنے کے لئے آئندہ مالی سال کے بجٹ میں 15ہزار نئی آسامیاں پیدا کی جائیں گی جبکہ تعلیمی اداروں کی ضروریات کو پورا کرنے کے لئے بھی کثیر رقوم مختص کی جائیں گی۔انہوں نے مزید کہا کہ گزشتہ 3سالوں کے دوران 25ہزار اساتذہ بھرتی کئے جا چکے ہیں۔
ان خیالات کا اظہار انہوں نے پشاور میں تعلیمی مسائل سے متعلق اجلاس کی صدارت کرتے ہوئے کیا۔ اجلاس میں ایڈیشنل سیکرٹری ابتدائی تعلیم قیصر عالم اورڈائریکٹر تعلیم رفیق خٹک کے علاوہ تنظیم اساتذہ خیبر پختونخوا کے خیراﷲ حواری، مصباح الاسلام عابد، میاں ضیاء الرحمن، سکندر خان اور شاہداﷲ شاہ نے بھی شرکت کی۔(جاری ہے)
اجلاس میں نظام تعلیم کی بہتری اور امتحانات میں اصلاحات کے ساتھ ساتھ تنظیم کی جانب سے پیش کردہ 17نکاتی ایجنڈہ بھی زیر غورآیااوراس سلسلے میں کئی اہم فیصلے کئے گئے۔
اس موقع پر اظہار خیال کرتے ہوئے وزیر تعلیم نے کہا کہ اساتذ ہ معاشرے کا اہم حصہ ہیں اورملک کی ترقی میں ان کا ایک بنیادی کردار ہے لہذاصوبائی حکومت اساتذہ کے جملہ مسائل تر جیحی بنیادوں پر حل کرے گی۔ان کا کہنا تھا کہ حکومت نے ہر شعبہ زندگی میں انقلابی اقدامات اٹھائے ہیں جن کے اثرات بتدریج نمودارہورہے ہیں اور انشاء اﷲ اپنی آئینی مدت پوری ہونے تک لوگ ایک واضح تبدیلی محسوس کریں گے۔عاطف خان نے کہا کہ نئی تعلیمی پالیسی کا ہدف قوم کے جگر گوشے ہیں اور ہماری بھر پور کوشش ہے کہ کوئی بھی بچہ زیورتعلیم سے محروم نہ رہے اور اس کے لئے بہت جلد گھر گھر سروے شروع کررہے ہیں۔اسی طرح سرکاری سکولوں پر لوگوں کا اعتماد بحال کرنے کے لئے بھی کام کر رہے ہیں اور اس کے مثبت نتائج سامنے آرہے ہیں ۔اب تک نجی تعلیمی اداروں کے 35ہزار سے زیادہ طلباء نے سرکاری سکولوں کا رخ کیاہے ۔ہماری پوری کوشش ہے کہ اپنے سکولوں کا معیار بین الاقوامی سطح کے سکولوں کا ہم پلہ بناکر غریبوں کے بچوں کو بھی معیار تعلیم کے حصول کے یکساں مواقع فراہم ہوں ۔ بعد ازاں تنظیم کے سیکرٹری مالیات نے وزیر موصوف کو تفہیم القرآن کا تحفہ بھی پیش کیا۔مزید قومی خبریں
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.