اسلام آباد، سیکٹر E-11 کی دونوں سروس روڈز کی تعمیر کا کام شروع کر دیا گیا
چیئرمین سی ڈی اے کی منصوبے کو مقررہ مدت میں مکمل کرنے کی ہدایت
جمعرات 5 مئی 2016 19:24
اسلام آباد(اُردو پوائنٹ اخبارتازہ ترین - آن لائن۔05 مئی۔2016ء) اسلام آباد میں روڈ انفراسٹرکچر اور سیکٹروں کی تیزی سے ڈیویلپمنٹ سی ڈی اے کی ترجیحات میں شامل ہے اور سی ڈی اے نے رواں مالی سال کو ترقیاتی سر گرمیوں کا سال بنانے کے لیے بیک وقت کئی اہم منصوبوں پر کام شروع کر رکھا ہے جو نہ صرف بروقت مکمل کئے جائیں گے بلکہ شہریوں کی سہولت اور اسلام آباد کی خوبصورتی اور اس کی تعمیر و ترقی کے لیے مزید کئی میگا پراجیکٹس بھی شروع کئے جا رہے ہیں۔
ان خیالات کا اظہار چیئرمین سی ڈ ی اے معروف افضل نے جمعہ کے روز سی ڈی اے ہیڈ کوارٹر میں منعقدہ اعلیٰ سطحی اجلاس کے موقع پر کیا۔ اجلاس میں اسلام آباد میں جاری ترقیاتی سر گرمیوں اور مختلف اہم منصوبوں پر ہونے والی پیش رفت کا جائزہ لیا گیا۔(جاری ہے)
اجلاس میں سی ڈی اے کے ممبر ایڈمنسٹریشن عامر علی احمد، ممبر انجینئرنگ، ممبر انوائرنمنٹ اور دیگر متعلقہ افسران نے شرکت کی۔
چیئرمین سی ڈی اے کو بتایا گیا کہ اسلام آباد کے سیکٹرD-12 کے باقیماندہ ترقیاتی کام تکمیل کے آخری مراحل میں ہیں جبکہ سیکٹر E-11 کی دونوں سروس روڈ (ایسٹ و نارتھ) کو دورویہ کرنے کا کام شروع کر دیا گیا ہے۔ انہیں بتایا گیا کہ اسلام آباد کے سیکٹرD-12 تک جانے والی ان دو اہم سروس روڈز پر پچھلے ماہ سے کام کا آغاز کیا گیا ہے۔ اس منصوبے پر لاگت کا تخمینہ 249 ملین روپے لگایا گیا تھا۔ تاہم یہ اہم منصوبہ 178 ملین روپے کی لاگت سے مکمل کیاجائے گا کیونکہ یہ ٹینڈر این آئی ٹی(NIT Cost) سے 28 فیصد کم پر دیا گیا ہے ۔ چیئرمین سی ڈی اے معروف افضل کو بتایا گیا کہ ان دونوں سروس روڈز کی لمبائی تقریباًسوا چار کلو میٹر ہے جن کو دو رویہ کیا جا رہا ہے۔دوسری لین 24 فٹ چوڑی بنائی جا رہی ہے۔ان سروس روڈز کی ایک ایک لین پہلے سے ہی موجود تھی تاہم روز افزوں بڑھتی ہوئی آبادی بالخصوص سیکٹر D-12 میں تیزی سے گھروں کی تعمیر کے باعث ان سروس روڈز پر ٹریفک کا رش بہت زیادہ تھا ٹریفک کے اس بڑھتے ہوئے دباؤ کو کم کرنے اور سیکٹرD-12 تک آسان رسائی کو ممکن بنانے کے لیے اس منصوبے پر ہنگامی بنیادوں پر کام کا آغاز کر دیا گیا ہے جسے 9 ماہ کی قلیل مدت ہی میں مکمل کر لیا جائے گا۔انہیں بتایا گیا کہ اس منصوبے کے لیے 75 ملین روپے رواں مالی سال میں مختص کئے گئے ہیں جبکہ باقیماندہ فنڈ اگلے مالی سال میں خرچ کیا جائے گا۔چیئرمین سی ڈی اے معروف افضل نے انجینئرنگ ونگ کو ہدایت کی کہ اس اہم منصوبے کو نہ صرف مقررہ مدت ہی میں مکمل کیا جائے بلکہ اس روڈ کی تعمیر میں جدید ٹیکنالوجی اور اعلیٰ معیار کو ملحوظِ خاطر رکھا جائے۔ چیئرمین سی ڈی اے نے انوائرنمنٹ ونگ کو ہدایت کی کہ سروس روڈز کی تکمیل تک ان سڑکوں کے دونوں اطراف سایہ داردرخت لگانے کے علاوہ سڑکوں کے درمیان میڈین سٹرپ (Midian Strip) کی لینڈ سکیپنگ کر کے خوبصورت اور پھولدار پودے اور گھاس لگائی جائے۔ چیئرمین سی ڈی اے نے ممبر انجینئرنگ کو ہدایت کی کہ سیکٹر E-11 کی سروس روڈ (ایسٹ اور نارتھ) پر ہونے والے کام کی پیش رفت سے ہفتہ وار روپورٹ بنا کر آگاہ کیا جائے اور ترقیاتی کام کو بلا تعطل جاری رکھنے کو یقینی بنایا جائے۔متعلقہ عنوان :
مزید اہم خبریں
-
آسٹریلیا میں تعینات پاکستانی ہائی کمشنر زاہد حفیظ چوہدری کی سڈنی چاقو حملہ میں زخمی ہونے والے پاکستانی نوجوان کی ہسپتال میں عیادت
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
وزیر خارجہ محمد اسحاق ڈار سے امریکی سفیر ڈونلڈ بلوم کی ملاقات
-
کوئی پسند نہ پسند نہیں ، صحافیوں کوجلد برابری کی بنیاد پرپلاٹ مہیا کئے جائیں گے‘عظمیٰ بخاری
-
نواز شریف نے کہاہمسائیوں سے لڑائی نہیں کرنی،دوستی کے دروازے کھولیں،دلوں کے دروازے کھولیں،راستے کھولیں‘مریم نوازشریف
-
آرمی چیف جنرل سید عاصم منیر سے ترک چیف آف جنرل اسٹاف جنرل متین گیوراک کی ملاقات ، باہمی دلچسپی، دفاعی، تربیت اور علاقائی امن و استحکام کو فروغ دینے سمیت دیگر امور پر تبادلہ خیال
-
وزیرِ اعظم محمد شہباز شریف کی زیرِ صدارت بجلی شعبے کے حوالے سے اقدامات کے جائزہ پر اعلیٰ سطحی اجلاس کا دوسرا دور
-
وزیراعظم سے یورپی یونین کی سفیر کی ملاقات
-
وزیراعظم محمد شہباز شریف سے پاکستان میں یورپی یونین کی سفیر کی ملاقات
-
وزیرِ اعظم کی زیرِ صدارت بجلی شعبے کے حوالے سے اقدامات کے جائزے پر اعلی سطحی اجلاس کا دوسرا دور، بجلی کے ترسیلی نظام پر بریفنگ
-
سیاسی قیادت، اداروں، سول سوسائٹی اور نوجوانوں کی صلاحیتوں پر پورا اعتماد ہے،درپیش چیلنجز سے نمٹ سکتے ہیں ، صدر زرداری
-
پاکستان کو بے گناہ فلسطینیوں کے قتل ، اسرائیلی فوج کی جانب سے بڑے پیمانے پر نسل کشی پر گہری تشویش ہے، آصف علی زر داری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.