اپوزیشن لیڈر خورشید شاہ سے خرم نواز گنڈاپور کی ملاقات،جسٹس باقر جوڈیشل کمیشن کی رپورٹ منظر عام پر لائے جانے کا مطالبہ
بدھ 4 مئی 2016 22:07
اسلام آباد (اُردو پوائنٹ اخبارتازہ ترین - آئی این پی۔04 مئی۔2016ء) پاکستان عوامی تحریک کے سیکرٹری جنرل خرم نواز گنڈاپور نے گزشتہ روز اپوزیشن لیڈر سید خورشید شاہ سے ان کی رہائش گاہ پر ملاقات کی اور سانحہ ماڈل ٹاؤن اور ملکی صورتحال کے حوالے سے تبادلہ خیال کیا۔خرم نواز گنڈاپور نے اپوزیشن لیڈر کو بتایا کہ ڈیڑھ سال سے سانحہ ماڈل ٹاؤن پر بننے والے جوڈیشل کمیشن کی رپورٹ شائع نہیں کی جارہی اور رپورٹ کی کاپی لینے کیلئے ہم لاہور ہائیکورٹ میں بیٹھے ہیں جبکہ دوسری طرف ہم نے انسداد دہشتگردی کی عدالت میں استغاثہ دائر کررکھا ہے۔
خرم نواز گنڈاپور نے بتایا کہ ہم شہدائے ماڈل ٹاؤن کے انصاف کیلئے ہر حد تک جائینگے۔انہوں نے کہا کہ پارلیمانی جماعتیں بھی انسانی حقوق کی اس سنگین خلاف ورزی کی آواز پارلیمنٹ کے اندر اٹھائیں۔(جاری ہے)
اپوزیشن لیڈر نے کہاکہ 17 جون 2014 ء کے دن جو کچھ لاہور ماڈل ٹاؤن میں ہوا وہ قابل مذمت اور قابل گرفت ہے۔ یہ بات تکلیف دہ ہے کہ دو سال گزر جانے کے بعد بھی سانحہ ماڈل ٹاؤن میں جاں بحق ہونے والوں کو انصاف نہیں ملا۔
انہوں نے کہا کہ پاکستان ایک جمہوری ملک ہے اس میں اس طرح شہریوں کی جانیں لینے والوں کو کسی صورت برداشت نہیں کیا جاسکتا۔ وزیراعلیٰ پنجاب کی یہ ذمہ داری تھی کہ وہ 14 بے گناہوں کی اموات کے ذمہ داروں کا تعین کرتے اور انہیں سزائیں دلواتے۔انہوں نے کہا کہ ہم شہدائے ماڈل ٹاؤن کے ساتھ ہیں۔ پاکستان پیپلز پارٹی نے ایسی بربریت کی نا کبھی پہلے حمایت کی نہ آئندہ کرے گی۔ انہوں نے کہا کہ جسٹس باقر علی نجفی جوڈیشل کمیشن کی رپورٹ منظر عام پر آنی چاہیے۔متعلقہ عنوان :
مزید قومی خبریں
-
بلاول بھٹو زرداری کی کراچی میں غیرملکیوں کی گاڑی پر دہشتگردانہ حملے کی شدید مذمت
-
لاہور ہائیکورٹ نے پولیس کو چوہدری پرویز الہی کے حامیوں کو ہراساں کرنے سے روک دیا
-
صدرمملکت آصف علی زرداری سے بینکنگ محتسب پاکستان سراج الدین عزیز کی ملاقات، ادارے کی سالانہ رپورٹ پیش کی
-
موسمی صورتحال کے پیش نظر ملکی غیر ملکی فضائی آپریشن متاثر ، مسافروں کا تحفظ ہماری ترجیح ہے، ترجمان پی آئی اے
-
اسپیکر نے معطل ارکان کی رکنیت بحال کرنے کی یقین دہانی کروائی ہے، شیرافضل مروت
-
وزیردفاع ودفاعی پیداوارسے ترکیہ کے چیف آف جنرل سٹاف جنرل کی ملاقات
-
حکومت اپنی مدت پورے کرے گی ، ہم اس کے ساتھ ہیں ،قمرالزمان کائرہ
-
قومی اسمبلی کے سپیکر و ڈپٹی سپیکر کی کراچی میں غیر ملکیوں پر خودکش حملے کی مذمت
-
نرسنگ کے شعبہ کی بہتری کیلئے اصلاحات لا رہے ہیں،معیار کو بہتر بنانے کیلئے جدید تربیت کو ترجیح دی جائیگی‘خواجہ سلمان رفیق
-
واپڈا نے منگلا بحالی اور اپ گریڈیشن منصوبے کے ایک اور پیکیج کے لئے کنٹریکٹ ایوارڈ کردیا
-
ریلویز میں جدید ٹیکنالوجی پر مبنی فیول مینیجمنٹ سسٹم کا آغاز ہو گیا
-
محمدنواز شریف کے سمدھی ڈاکٹر مرزا آصف بیگ انتقال کر گئے،مرحوم سپرد خاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.