پشاور ٗ ٗ چوہوں کی وجہ سے پیداہونے والا صحت عامہ کا بحران ختم ہوتا دکھائی نہیں دے رہا ٗواشنگٹن پوسٹ
محکمہ صحت اور محکمہ صفائی کے حکام میں تنازعہ شدت اختیار کر گیا ٗچوہوں کی تلفی کی ذمہ داری ایک دوسرے پر عائد کر نے لگے
بدھ 4 مئی 2016 20:14
اسلام آباد(اُردو پوائنٹ اخبارتازہ ترین - این این آئی۔04 مئی۔2016ء) امریکی اخبار واشنگٹن پوسٹ نے اپنی رپور ٹ میں کہا ہے کہ پشاور میں ایک ماہ کے دور ان خطرناک چوہوں نے 400افراد کو کاٹ لیا ہے ٗ چوہوں کی وجہ سے پیداہونے والا صحت عامہ کا بحران ختم ہوتا دکھائی نہیں دے رہا ٗچوہوں سے تنگ افراد ’’ گو چوہا گو ‘‘ کے نعرے لگاتے ہوئے سڑکوں پر نکل آئے جبکہ چوہوں کو تلف کر نے کی مہم پر محکمہ صحت اور محکمہ صفائی کے حکام میں تنازعہ شدت اختیار کر گیا ٗ چوہوں کی تلفی کی ذمہ داری ایک دوسرے پر عائد کر نے لگے ۔
امریکی اخبار کے مطابق لیڈی ریڈنگ ہسپتال پشاور کے ترجمان جمیل شاہ نے بتایا کہ یکم اپریل سے لیکر 3مئی تک چوہوں کے کاٹے ہوئے 423مریض ہسپتال لائے گئے ٗ صرف منگل کے روز ہسپتال لائے جانے والے متاثرین کی تعداد 23تھی ترجمان کے مطابق چوہوں کے کاٹنے سے متاثر افراد میں تقریباً نصف تعداد بچوں کی ہے ۔(جاری ہے)
واشنگٹن پوسٹ نے اپنی رپورٹ میں کہا کہ تقریباً دس لاکھ آبادی والے شہر پشاور میں ہر اڑھائی ہزار شہریوں میں سے ایک چوہوں کا شکار بن چکا ہے اس کے مقابلے میں نیویارک جیسے 80لاکھ آبادی والے شہر میں چوہوں کے کاٹنے سے متاثرہ افراد کی تعداد سالانہ 100کے لگ بھگ ہوتی ہے اخبار نے اپنی رپورٹ میں یہ بھی ذکر کیا ہے کہ پشاور کے غریب افراد سڑکوں پر سونے پر مجبور ہیں جن کی اکثریت چوہوں کا نشانہ بنتی ہے ٗ پشاور کے مکینوں کا اس صورتحال پر غم و غصہ مسلسل بڑھتا جارہاہے ۔
لیڈی ریڈنگ ہسپتال کے ترجمان نے بتایا کہ حکام نے مسئلہ کو حل کرنے کیلئے جلد بازی اور بغیر سوچے سمجھے چوہوں کو مارنے پر25 روپے فی چوہا انعام کا اعلان کیا ہے اور مسئلہ سے نمٹنے میں ناکامی پر خیبر پختونخوا میں حکمران جماعت تحریک انصاف اور اس کے سربراہ عمران خان کا مذاق اڑایا جارہا ہے اس سلسلہ میں پشاور کے مکین احتجاجی مظاہرے بھی کر چکے ہیں جس کے دوران انہوں نے پی ٹی آئی کی صوبائی حکومت کی چوہامار مہم کے مسئلہ سے نمٹنے پر ناکامی کے خلاف احتجاج کرتے ہوئے ’’گو چوہاگو‘‘کے نعرے لگائے۔ترجمان نے اعتراف کیا کہ چوہوں کو تلف کرنے کی مہم پر محکمہ صحت اور محکمہ صفائی کے حکام میں تنازعہ چل رہاہے جو چوہوں کی تلفی کی ذمہ داری ایک دوسرے پر عائد کررہے ہیں۔ ترجمان نے کہاکہ پشاور شہر میں چوہے اس قدر زیادہ ہیں کہ ہسپتا ل بھی ان سے محفوظ نہیں۔ انہوں نے بتایاکہ ہسپتال کے زچہ بچہ کے شعبہ کو چوہوں سے پاک کرنا سب سے اہم ہے کیونکہ زیادہ ترنومولود بچے ہی چوہوں کا شکار بنے ہیں جبکہ گزشتہ سال چوہوں سے آٹھ بچے جاں بحق ہو چکے ہیں ۔متعلقہ عنوان :
مزید اہم خبریں
-
دنیا بھر میں خود پسند حکمرانوں والی ریاستوں کی تعداد جمہوریتوں سے زیادہ
-
جرمنی انسانی حقوق کی صورتحال میں بہتری لائے، یورپی کونسل
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
-
فواد چوہدری کے خلاف نجی ہاؤسنگ سوسائٹی سے مبینہ رشوت وصولی معاملے پر ریکارڈ دواپریل کو طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.