موجودہ حکومت جھوٹے دعوں کی بجائے خدمات کی فراہمی پر یقین رکھتی ہے،، حکومت عوام کو سہولیات اور بنیادی حقوق کی فراہمی کیلئے ایک موثر اور فعال کردار ادا کررہی ہے، وزیر اعظم کے خلاف رائے رکھنے والے کو شدید مزاحمت کا سامنا کرنا ہوگا
وزیر مملکت و چیئرپرسن بینظیر انکم سپورٹ پروگرام ماروی میمن کا مستحقین سے خطا ب
منگل 3 مئی 2016 22:02
سکھر (اُردو پوائنٹ اخبارتازہ ترین - آئی این پی۔03 مئی۔2016ء) وزیر مملکت و چیئرپرسن بینظیر انکم سپورٹ پروگرام (بی آئی ایس پی) وایم این اے ماروی میمن نے کہاہے کہ موجودہ حکومت جھوٹے دعوں کی بجائے خدمات کی فراہمی پر یقین رکھتی ہے، حکومت عوام کو سہولیات اور بنیادی حقوق کی فراہمی کیلئے ایک موثر اور فعال کردار ادا کررہی ہے۔ یہ صرف وزیر اعظم محمد نواز شریف اور وزیر خزانہ سینیٹر اسحاق ڈار کی مخلصانہ کوششوں کا نتیجہ ہے کہ ملکی معیشت میں بڑے پیمانے پر اضافہ ہورہا ہے۔
اگر کوئی شخص وزیر اعظم کی ان کاوشوں سے غافل ہے اور ان کے خلاف رائے رکھتا ہے تو اسے ہم سب کی جانب سے شدید مزاحمت کا سامنا کرنا ہوگا۔ وہ منگل کو سکھر میں مقامی حکومت ، معززین اور بی آئی ایس پی کی مستحقین کے ایک اجتماع سے خطاب کررہے تھے ۔(جاری ہے)
چیئرپرسن بی آئی ایس پی نے جیکب آباد کے پچھلے سروے میں نظر انداز ہونے والے دیہاتوں عطاء محمد سرکی، شمبو بروہی اور عبدالطیف سپرکا دورہ بھی کیا اور خواتین سے گفتگو کی۔
وہ قومی سماجی و اقتصادی رجسٹری کو اپڈیٹ کرنے کے ابتدائی مرحلے کے اجراء سے قبل مستحقین تک رسائی کی مہم پر ہیں۔ وہ اس ہفتے نسیراپڈیٹ کیلئے دوبارہ سروے سے متعلق عناصر کو اجاگر کرنے کیلئے نصیر آباد، قلعہ سیف اﷲ اور کوئٹہ کا دورہ کریں گی۔ دوبارہ سروے کرنے کی نمایاں خصوصات کی وضاحت کرتے ہوئے انہوں نے کہا کہ نئے سروے میں گزشتہ کوتاہیوں کونہیں دہرایاجائے گا۔ غریب افراد سے متعلق اعدادوشمار کی اصل ڈائریکٹری ہونے کے ناطے اپڈیٹ نسیرسب کیلئے اثاثہ ہوگی۔فی الحال ، غرباء کی نشاندہی کے اعتبار سے پاکستان دنیا میں پانچویں نمبر پر ہے اورجلد ہی بہترین قومی سماجی و اقتصادی رجسٹری کی تکمیل کے بعد پاکستان کو دیگر ممالک پر برتری حاصل ہوگی۔ چیئرپرسن بی آئی ایس پی نے بتایا کہ ابتدائی مرحلہ میں دوبارہ سروے رواں سال کے وسط میں ایک قبائلی ایجنسی سمیت ملک کے پندرہ اضلاع میرپور(آزاد کشمیر)، چارسدہ، لکی مروت، ہری پور(خیبر پختونخواہ)، چکوال، لیہ، فیصل آباد، بہاولپور(پنجاب)، جیکب آباد، سکھر، ٹھٹھہ (سندھ)، گلکت (گلگت بلتستان)، قلعہ سیف اﷲ، کچھ، نصیر آباد (بلوچستان) اور محمد ایجنسی (فاٹا) میں شروع کیا جائے گا۔ ابتدائی مرحلے کی تکمیل کے بعد جنوری 2017میں ملک گیر سروے کا آغاز کیا جائے گا۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.