ڈونلڈٹرمپ کے پاکستان اورمسلمانوں کے بارے گمراہ کن بیانات قابل مذمت ہیں‘پاکستان کو اندرونی طور پر کمزور کرنے کی سازشیں ہورہی ہیں‘سیاسی عدم استحکام ملکی سلامتی کیلئے سب سے بڑاخطرہ ہے
امیر جماعت اسلامی پنجاب میاں مقصوداحمدکامنصورہ میں خصوصی اجلاس سے خطاب
منگل 3 مئی 2016 20:49
لاہور(اُردو پوائنٹ اخبارتازہ ترین - آئی این پی۔03 مئی۔2016ء) امیرجماعت اسلامی پنجاب میاں مقصود احمدنے ڈونلڈ ٹرمپ کے پاکستان بارے گمراہ کن بیانات اور مسلمانوں کے خلاف جذبات کے اظہار کو قابل مذمت قراردیتے ہوئے کہاہے کہ ڈونلڈ ٹرمپ کی شر انگیز تقاریر اور پروپیگنڈے نے مسلمانوں کے خلاف نفرتوں کو عروج پر پہنچا دیاہے جس کی وجہ سے مسلمانوں کو نہ صرف تشدد کا نشانہ بنایاجارہا ہے بلکہ ان کی املاک اور عبادت گاہوں کو بھی نقصان پہنچایا جارہا ہے۔
انہوں نے کہاکہ حکمرانوں کی ناقص پالیسیوں کی بدولت پاکستان امریکی کالونی بن چکا ہے۔نائن الیون کے واقعے کے بعد پاکستان اور اس کے عوام نے ناقابل تلافی نقصان برداشت کیا ہے۔50ہزار سے زائد جانوں کانذرانہ پیش کرنے کے ساتھ ساتھ 100ارب ڈالر سے زیادہ کاملکی معیشت کو دھچکا لگ چکا ہے۔(جاری ہے)
اس کے باوجود گیڈربھبھکیوں سے ڈرانے کی کوششیں کی جارہی ہیں۔
ان خیالات کا اظہار انہوں نے گزشتہ روزمنصورہ میں خصوصی اجلاس سے خطاب کرتے ہوئے کیا۔میاں مقصود احمد نے مزیدکہاکہ پاکستان تاریخ کے نازک ترین دور سے گزررہا ہے۔ایک سوچی سمجھی سازش کے تحت اندرونی اختلافات اور خلفشار کو ہوادی جارہی ہے۔سیاسی عدم استحکام ملکی سلامتی کے لئے سب سے بڑاخطرہ ہے۔ضرورت اس امر کی ہے کہ حکمران ہوش کے ناخن لیں اور ایسی پالیسیاں مرتب کریں جن سے واقعی عوام کو ریلیف اور ملکی مفاد کو مقدم رکھاجائے۔انہوں نے کہاکہ جب تک آئی ایم ایف،ورلڈ بنک سے چھٹکارہ اور قرضوں سے نجات حاصل نہیں کرلی جاتی امریکی غلامی سے آزادی ممکن نہیں۔وسائل سے مالامال ملک میں صرف محب وطن قیادت کافقدان ہے جو عوام کی فلاح وبہبود اور ملک کی ترقی کوترجیح دیتے ہوئے اقدامات کرے۔میاں مقصوداحمد نے مزیدکہاکہ پاکستان کو ترنوالہ سمجھنے والے احمقوں کی جنت میں رہتے ہیں۔ضرورت پڑی توبڑی سے بڑی قوت سے بھی ٹکرانے کی صلاحیت رکھتے ہیں۔پاکستانی عوام میں جذبہ ایمانی کی کوئی کمی نہیں۔سیاسی وعسکری قیادت عوام کے جذبات کی ترجمانی کرے۔متعلقہ عنوان :
مزید قومی خبریں
-
گورنرسندھ کامران خان ٹیسوری سے انڈونیشیا کے قونصل جنرل کی ملاقات
-
گورنرسندھ کامران خان ٹیسوری سے وفاقی وزیر داخلہ محسن نقوی کی ملاقات
-
گورنر پنجاپ سے پاکستان یوتھ پارلیمنٹ کی25رکنی وفد کی ملاقات
-
وزیراعلیٰ مریم نوازشریف کی تونسہ کے نواحی جھنگی چیک پوسٹ پر دہشتگردوں کے حملے کی شدید مذمت،حملہ ناکام بنانے پر پولیس کو شاباش
-
ظلم کے خلاف اور عادلانہ نظام کے لیے جدوجہد جھاد ہے،سراج الحق
-
گورنرسندھ کامران خان ٹیسوری سے انڈونیشیا کے قونصل جنرل کی ملاقات
-
کوئی بات ہوگی تو سب کے سامنے ہوگی ،کسی سے چھپ کر نہیں ،علی امین گنڈا پور
-
وزیراعلیٰ سندھ سید مراد علی شاہ سے چیئرمین ایس آر بی واصف میمن کی ملاقات
-
ملک میں استحصالی طبقہ متحد، مزدور، کسان اور عوام تقسیم ہیں،حافظ نعیم الرحمن
-
چوہدری محمد سرور سیاسی منظر نامے سے غائب ہو گئے
-
سعدیہ سہیل رانا نے استحکام پاکستان پارٹی کو خیر باد کہہ دیا
-
وزیراعلیٰ مریم نوازکی (کل )افضل تارڑ مرحوم کی رہائشگاہ آمد متوقع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.