محرران اپنے تھانے کے ذمہ دار ہیں ،تھانہ کلچر کی تبدیلی میں قلیدی کردار ادا کر سکتے ہیں‘ ڈی آئی جی آپریشنز
محرران کے تمام مسائل کو حل اور ضروریات کو ترجیحی بنیادوں پرمکمل کیا جائیگا‘ ڈاکٹر حیدر اشرف کی گفتگو
منگل 3 مئی 2016 17:53
لاہور( اُردو پوائنٹ اخبارتازہ ترین - این این آئی۔03 مئی۔2016ء )ڈی آئی جی آپریشنز ڈاکٹر حیدر اشرف نے کہا ہے کہ محرران اپنے تھانے کے ذمہ دار ہیں اور تھانہ کلچر کی تبدیلی میں قلیدی کردار ادا کر سکتے ہیں،محرران کے تمام مسائل کو حل اور ضروریات کو ترجیحی بنیادوں پرمکمل کیا جائیگا، تھانے میں جو بھی شہری آپ کے پاس چل کر اپنی مجبوری بیان کریں اُن کے ساتھ انتہائی خوش اخلاقی سے پیش آیا جائے اور آپ کے اچھے سلوک کی وجہ سے اُس پریشان سائل کو یہ حوصلہ اور یقین ہو جائیگا کہ اس کا مسئلہ جلدی حل ہو جائیگا۔
ان خیالات کا اظہار انہوں نے آج پولیس لائنز قلعہ گجر سنگھ میں شہر کے تمام تھانوں کے محرران سے خصوصی ملاقات میں کیا۔ اس موقع پر ایس ایس پی وی وی آئی پی سکیورٹی اطہر اسماعیل اور تھانوں کے محرران نے شرکت کی ۔(جاری ہے)
انہوں نے کہا کہ تھانوں میں محرران کو اسٹیشنری سمیت تمام ضروریات پوری کر کے دیں گے تاکہ کسی محرر کو دفتروں کے چکر نہ لگانے پڑیں۔
محرران اپنے تھانے کی نفری اسٹیبلشمنٹ برانچ سے ٹیلی کریں اور تھانے میں موجود ہر رجسٹر کا ریکارڈ جلد مکمل کریں۔ جو محرر اچھی کارکردگی کا مظاہرہ کریگا اس کو ایڈمن افسران کی طرح انعام بھی دیا جائیگا اور اسکی خدمات کو سراہا بھی جائیگا ۔۔ ڈی آئی جی آپریشنز ڈاکٹر حیدرا شرف نے اس موقع پر مزید کہا کہ تمام تھانوں کے محرران کو 2 ماہ کی ایڈوانس ا سٹیشنری فراہم کی جارہی ہے اوراسٹیشنری ختم ہونے پر دوبارہ 2 ماہ کی ایڈوانس اسٹیشنری مہیا کر دی جائیگی۔ محرران کی فوٹو کاپی کروانے کی پریشانی کو دور کرنے کیلئے ہر ایس پی کے دفتر 1/1 فوٹو کاپی مشین رکھ دی جائیگی جس سے اُس ڈویژن میں موجود محرران مفت فوٹو کاپی کرواسکیں گے۔ اپنے اہلکاروں کی حاضری روزانہ بائیومیٹرک مشینوں سے مکمل کروائی جائے۔ ڈی آئی جی آپریشنزنے چوکی رینالا خورد کے محررکی خستہ حالت عمارت کی نشاندہی کرنے پر فوری طور پر اسسٹنٹ ڈائریکٹر کو چوکی فوری طور پر منتقل کرنے کے احکامات جاری کئے ۔ ایس ایس پی وی وی آئی پی سکیورٹی اطہر اسماعیل نے اس موقع پر مزید کہا کہ جو محرر اپنے تھانے کے مسائل بیان کرے گا وہ ذمہ دار ہونے کا ثبوت دے گا اور اس کے مسائل جلد حل ہوں گے۔ تمام تھانے کے باتھ رومز کی مرمت، واٹر فلٹرودیگر تمام اقدامات جلد مکمل کئے جائیں گے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.