پاک سر زمین پارٹی نے لاہور کیلئے 25رکنی ورکنگ کمیٹی کا اعلان کر دیا
دورے پر آئے رہنماؤں نے سیاستدانوں کو شمولیت کیلئے دعوت دینا شروع کر دی
پیر 2 مئی 2016 20:15
لاہور( اُردو پوائنٹ اخبارتازہ ترین - این این آئی۔02 مئی۔2016ء)پاک سر زمین پارٹی نے صوبائی دارالحکومت لاہور کیلئے 25رکنی ورکنگ کمیٹی کا اعلان کر دیا ،لاہور کے دورے پر آئے ہوئے مرکزی رہنماؤں نے مختلف سیاستدانوں سے ملاقاتین کر کے شمولیت کیلئے دعوت دینا شروع کر دی ۔پاک سر زمین پارٹی کے مرکزی رہنما رضا ہارون کی سربراہی میں لاہور کے دورے پر آئے ہوئے رہنماؤں نے گزشتہ روز سینئر سیاسی رہنما خالد کھرل سے ان کی رہائشگاہ پر ملاقات کر کے مختلف امور پر تبادلہ خیال کیا ۔
بتایاگیا ہے کہ رہنماؤں نے خالد کھرل سے رہنمائی حاصل کرنے کے ساتھ ساتھ انہیں پاک سر زمین پارٹی میں شمولیت کیلئے باضابطہ دعوت بھی دیدی ہے ۔ رضا ہارون نے گفتگو کرتے ہوئے بتایا کہ لاہور کے لئے 25رکنی ورکنگ کمیٹی کا حتمی فیصلہ کر کے اعلان کر دیا گیا ہے ۔(جاری ہے)
پنجاب میں قدم صرف پاکستان کی بہتری کیلئے رکھا ہے اور ہم تمام شہریوں اور تمام رہنماؤں کو اپنی جماعت میں شمولیت کی دعوت دیتے ہیں۔
انہوں نے ایک سوال کے جواب میں کہا کہ خالد کھرل سینئر رہنما ہیں اور ان سے بہت سے معاملات میں رہنمائی حاصل کی ہے۔ انہوں نے پی ٹی آئی اور پیپلز پارٹی کے بعض رہنماؤں کی طرف سے پاک سر زمین پارٹی میں شمولیت کی خواہش کے اظہار کے سوال کے جواب میں کہا کہ کچھ لوگوں نے دوسری پارٹیوں میں موجود رہ کر خواہش کا اظہار کیا ہے اور اسے فی الحال سامنے نہیں لایا جا سکتا ہے ۔ انہوں نے کہا کہ ہماری پارٹی کا مقصد دلوں کو توڑنا نہیں بلکہ جوڑنا ہے اور ہم اسی لئے لاہور آئے ہیں۔مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.