ایم کیو ایم کے ارکان کا جیلوں میں اپنے کارکنوں پر دباؤ کے ہتھکنڈوں کیخلاف واک آؤٹ
وزیر اعلیٰ سندھ نے ایم کیو ایم رہنماؤں سے ملاقات میں ان کے تحفظات دور کرنے کی یقین دہانی کرائی تھی،نثار احمد کھوڑو کا ایوان میں بیان
پیر 2 مئی 2016 19:49
کراچی ( اُردو پوائنٹ اخبارتازہ ترین - این این آئی۔02 مئی۔2016ء ) متحدہ قومی موومنٹ ( ایم کیو ایم ) کے ارکان سندھ اسمبلی نے پیر کو کراچی کے پانچ علاقوں میں اپنے منتخب نمائندوں پر بعض عناصر کی طرف سے تشدد اور جیلوں میں اپنے کارکنوں پر دباؤ کے ہتھکنڈوں کے خلاف سندھ اسمبلی کے اجلاس سے احتجاجاً واک آؤٹ کیا ۔ ایم کیو ایم کے رکن محمد حسین نے نکتہ اعتراض پر کہا کہ کراچی کے پانچ علاقوں لانڈھی ، کورنگی ، ملیر ، شاہ فیصل اور لائنز ایریا میں حقیقی دہشت گردوں نے ہمارے منتخب ارکان کا جینا دوبھر کر دیا ہے ۔
ان علاقوں سے ایم کیو ایم کے 9 ارکان سندھ اسمبلی منتخب ہوئے ہیں ۔ وہ اپنے دفاتر میں نہیں بیٹھ سکتے ہیں ۔ ایم کیو ایم کے منتخب کونسلرز اور چیئرمینوں کو مارا پیٹا جاتا ہے اور تشدد کا نشانہ بنایا جاتا ہے ۔(جاری ہے)
پولیس ان علاقوں میں غنڈوں کو روکنے میں ناکام ہو چکی ہے ۔ انہوں نے کہاکہ جیلوں میں ایم کیو ایم کے کارکنوں کو جرائم پیشہ لوگوں کے ساتھ رکھا جا رہا ہے ۔
ان کی زندگیاں اور کردار داؤ پر لگا ہوا ہے ۔ سینئر وزیر نثار احمد کھوڑو نے کہاکہ ایم کیو ایم کے رہنماؤں نے وزیر اعلیٰ سندھ سے ملاقات کی تھی اور وزیر اعلیٰ سندھ نے ان کے تحفظات دور کرنے کی یقین دہانی کرائی تھی ۔ اس معاملے پر ہونے والی پیش رفت سے میں بعد میں پوچھ کر آگاہ کروں گا ۔ خواجہ اظہار الحسن نے کہا کہ وزیر اعلیٰ سندھ سے ہماری تیسری ملاقات ہے لیکن ہماری داد رسی نہیں ہوتی ۔ وہ کہہ دیں کہ وہ بے اختیار وزیر اعلیٰ ہیں ۔ نثار احمد کھوڑو نے کہاکہ اپوزیشن لیڈر اس قدر خفا کیوں ہو رہے ہیں ۔ خواجہ اظہار الحسن نے کہاکہ خفا کیوں نہ ہوں ۔ کیا آپ کی چاپلوسی کریں اور آپ کو ایوارڈ دیں ۔ ہم احتجاجاً واک آؤٹ کرتے ہیں ۔ اس کے ساتھ ہی ایم کیو ایم کے لوگ ایوان سے باہر چلے گئے ۔ نثار احمد کھوڑو نے کہاکہ وزیر اعلیٰ سندھ ایوان میں آتے ہیں تو ان پر اعتراض کیا جاتا ہے ۔ وہ ایم کیو ایم کے لوگوں سے ملاقات کرتے ہیں تو ان پر اعتراض کیا جاتا ہے ۔ آخر یہ لوگ کیا چاہتے ہیں ۔ انہی لوگوں کی درخواست پر آپریشن ہوا ۔ ایم کیو ایم نے کہا تھا کہ فوج کراچی میں آپریشن کرے اور ان کا یہ مطالبہ تھا کہ آپریشن کا آغاز لیاری سے کیا جائے ۔ کتنی اموات اور گرفتاریوں کے بعد امن کی صورت حال پیدا ہوئی ہے ۔ سب سیاسی جماعتوں کے لوگوں کی گرفتاریاں ہوئی ہیں ۔ وزیر اعلیٰ سندھ امن وامان کے قیام کے لیے بھرپور کوششیں کر رہے ہیں ۔متعلقہ عنوان :
مزید اہم خبریں
-
عمران خان اور شاہ محمود قریشی کا اڈیالہ جیل میں ٹرائل ،پنجاب کابینہ نے منظوری دیدی
-
پاکستان میں حملے سے جانی نقصان پر گہرا افسوس ہے، امریکا
-
لانگ مارچ توڑ پھوڑکیس، عمران خان کی 2کیسز میں بریت کی درخواست منظور
-
رواں مالی سال 4.8 ارب ڈالر کا انتظام کرنا ہے،گورنر سٹیٹ بینک
-
شوکت یوسفزئی نے 15 کروڑ ہرجانہ کیس کا فیصلہ چیلنج کردیا
-
حکومت کی پوری توجہ معیشت کو درست کرنے پر مرکوز ہے ، وفاقی وزیر قانون اعظم نذیر تارڑ
-
اسرائیل کاشام کے دارالحکومت دمشق پر فضائی حملہ‘ دشمن کے کچھ راکٹوں کو مار گرایا.دمشق
-
ہم وہ ہوتے ہیں جو ہم کھاتے ہیں
-
ایران: اس سال نوروز کے تہوار کے لیے عوام قناعت پر مجبور
-
روشن ڈیجیٹل اکائونٹس کے ذریعے سمندر پارپاکستانیوں کی ترسیلات زرکاحجم 7.478 ارب ڈالر سے تجاوزکرگیا
-
ڈاکٹریاسمین راشد کی ضمانت کی درخواست پرسماعت 29 مارچ تک ملتوی
-
انتخابات میں مبینہ دھاندلی کیخلاف احتجاج،شعیب شاہین،شیر افضل مروت ودیگر کی ضمانتیں منظور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.