گرین ٹاؤن میں جعلی ادویات بنانے والی فیکٹری پکڑی گئی، فیکٹری سیل ،مالک سمیت 3افراد گرفتار

پیر 2 مئی 2016 16:37

لاہور ( اُردو پوائنٹ اخبارتازہ ترین - این این آئی۔02 مئی۔2016ء) لاہور کے علاقے گرین ٹاؤن میں ڈرگ کنٹرول اتھارٹی نے چھاپہ مار کر جعلی ادویات بنانے والی فیکٹری سیل کرکے مالک سمیت 3افراد کو گرفتار کرلیا ۔

(جاری ہے)

تفصیلات کے مطابق لاہور میں فوڈ کنٹرول اتھارٹی کے بعد ڈرگ کنٹرول اتھارٹی بھی حرکت میں آگئی ہے اور پیر کے روز پولیس کی مدد سے گرین ٹاؤن میں کالج روڈ پر کارروائی کرتے ہوئے جعلی ادویات تیار کرنے والی فیکٹری پکڑ لی ۔

فیکٹری مالک نے چھاپہ مار ٹیم کے سامنے اعتراف کیا کہ وہ طویل عرصے سے جان بچانے والی جعلی ادویات تیار کرتے ہیں اور ان پر غیر ملکی کمپنیوں کا ٹیگ لگا کر پورے پنجاب میں سپلائی کرتے ہیں۔ اس مکروہ دھندے میں اس کے ساتھ 10سے 12افراد ملوث ہیں۔ پولیس نے فیکٹری مالک اور 2ملازمین کو گرفتار کرکے فیکٹری سیل کردی ۔

متعلقہ عنوان :