ڈیوڈ وارنر نے ہیلی کاپٹر شاٹ پر حریف قائد ویرات کوہلی کو بھی داد دینے پر مجبور کردیا

پیر 2 مئی 2016 14:14

نئی دہلی(اُردو پوائنٹ اخبارتازہ ترین - آن لائن۔02 مئی۔2016ء) آئی پی ایل میں سن رائزرز حیدرآباد کے کپتان ڈیوڈ وارنر نے ہیلی کاپٹر شاٹ پر حریف قائد ویرات کوہلی کو بھی داد دینے پر مجبور کردیا۔

(جاری ہے)

عام طور پر یہ سمجھا جاتا ہے کہ ہیلی کاپٹر شاٹ بھارتی کپتان مہندرا سنگھ دھونی کی ایجاد ہے، انھوں نے کئی سال قبل اس منفرد شاٹ سے شائقین کو حیران کیا اور پھر باقاعدگی سے اس انداز میں اوپر آنے والی بالز کا سامنا کرتے رہے، خاص طور پر ٹوئنٹی 20 میں یہ شاٹ دھونی کا ٹریڈ مارک سمجھا جاتا ہے۔

گذشتہ روز رائل چیلنجرز بنگلور کے خلاف میچ میں سن رائزرز کے کپتان ڈیوڈ وارنر نے اٹھتی ہوئی گیند کے سامنے اپنے بیٹ کو مکمل گردش دی، انھوں نے اتنی خوبصورتی سے یہ شاٹ کھیلا کہ رائل چیلنجرز بنگلور کے کپتان ویرات کوہلی بھی ان کو داد دینے پر مجبور ہوگئے، اس شاٹ میں مہارت سے ثابت ہوتا ہے کہ ڈیوڈ وارنر صرف اپنے پسندیدہ شاٹس پر ہی اکتفا نہیں کرتے بلکہ دوسرے شاٹس سیکھنے میں بھی کافی دلچسپی رکھتے ہیں۔

Facebook Twitter Google + Share on Whatsapp

ڈیوڈ وارنر نے ہیلی کاپٹر شاٹ پر حریف قائد ویرات کوہلی کو بھی داد دینے پر مجبور کردیا

مزید کھیلوں کی خبریں