لاہور ہائیکورٹ کے بیلف کا چھاپہ، تھانہ صدر چنیوٹ سے 2 خواتین بازیاب

پیر 2 مئی 2016 13:08

لاہور (اُردو پوائنٹ اخبارتازہ ترین - آن لائن۔02 مئی۔2016ء) لاہور ہائیکورٹ کے بیلف نے تھانہ صدر چنیوٹ سے 2 خواتین کو بازیاب کر لیا ہے جنہیں کئی روز سے پولیس سٹیشن میں قید کر کے رکھا گیا تھا۔

(جاری ہے)

لاہور ہائیکورٹ کے حکم پر بیلف نے تھانہ صدر چنیوٹ میں کارروائی کر کے 2 خواتین کو بازیاب کرایا جنہوں نے مذکورہ تھانہ کے ایس ایچ او پر دوران حراست زیادتی کا الزام بھی عائد کیا جس پر عدالت نے دونوں خواتین کا میڈیکل کرانے کا حکم دیدیا ہے۔ خواتین کا کہنا ہے کہ ایس ایچ او مختلف لوگوں کے خلاف مقدمات میں مدعی بنانا چاہتا تھا تاہم تھانیدار کی بات ماننے سے انکار کر پر 26 اپریل کی رات کو گھر سے اٹھا لیا گیا دوران حراست پولیس اہلکاروں نے تشد د اور جنسی زیادتی کا نشانہ بھی بنایا ۔