بھکر،یوم مزدوراں کے موقع پرمزدوروں کو خدمت کارڈز کے اجراء کا آغاز کردیا گیا
پہلے مرحلہ میں ضلع کے 329بھٹہ مزدوروں کو خدمت کارڈ جاری کیے جائیں گے
اتوار 1 مئی 2016 17:32
بھکر(اُردو پوائنٹ اخبارتازہ ترین - آن لائن۔01 مئی۔2016ء)وزیراعلیٰ پنجاب محمد شہباز شریف کے منظور کردہ پیکج کے تحت ضلع میں عالمی یوم مزدوراں کے موقع پر بھٹہ مزدوروں کو خدمت کارڈز کے اجراء کا آغاز کردیا گیا ہے جس کیلئے ضلعی محکمہ تعلیم کے زیر اہتمام ڈی سی او آفس میں قائم کیے گئے خصوصی سہولت کاؤنٹر پر ایک پروقار تقریب منعقدکی گئی ۔تقریب میں سینیٹر ظفراللہ خان ڈھانڈلہ،ایم پی اے عامر عنایت خان شہانی اور عرفان اللہ خان نیازی مہمانان خصوصی تھے جبکہ ڈی سی او احمد مستجاب کرامت نے تقریب کی صدارت کی ۔
اس موقع پر اے ڈی سی حافظ احمد طارق ،ای ڈی او ایجوکیشن ملک محمد اشرف،ای ڈی او کمیونٹی ڈویلپمنٹ محمد شاہد رانا،ڈی او سیکنڈری ایجوکیشن رانامحمد شبیر خاں،ڈی اوایلمنٹری ایجوکیشن /فوکل پرسن ملک محمود حسین ،ڈپٹی ڈی او ایلیمنٹری ایجوکیشن ڈاکٹر منیر حسین اور خدمت کارڈز حاصل کرنیوالے بھٹہ مزدور بھی موجود تھے۔(جاری ہے)
تقریب سے خطاب کرتے ہوئے ایم پی اے عامر عنایت خان شہانی،عرفان اللہ خان نیازی اور اے ڈی سی حافظ احمد طارق نے کہاکہ وزیر اعلیٰ پنجاب نے عالمی یوم مزدوراں کے موقع پر بھٹہ مزدوروں کیلئے تاریخی فلاحی پیکج منظور کرکے ان کے حقوق کے تحفظ کیلئے جاری اقدامات میں ایک اور مثالی قدم کا اضافہ کیاہے جس سے غریب بھٹہ مزدوروں کے بچوں کو مفت حصول تعلیم تک رسائی حاصل ہوگئی ہے۔
انہوں نے کہاکہ وزیر اعلیٰ پنجاب محمد شہباز شریف کا یہ تاریخی قدم انکی علم دوستی اور غریب پروری کا بین ثبوت ہے۔مقررین نے بھٹہ مزدوروں کو تاکید کی کہ وہ وزیر اعلیٰ پنجاب کے اس فلاحی اور فراخدلانہ پیکج سے بھرپور فائدہ اٹھاتے ہوئے اپنے بچوں کو تعلیم یافتہ بنائیں تاکہ وہ قومی ترقی کے میدان میں موثر ومتحرک کردار اداکرسکیں۔اس موقع پر ڈی اوایلیمنٹری ایجوکیشن ملک محمود حسین نے بھٹہ مزدوروں کیلئے خدمت کارڈ سکیم کی تفصیلات پر روشنی ڈالتے ہوئے بتایا کہ اس سکیم کے پہلے مرحلہ میں ضلع کے 329بھٹہ مزدوروں کو خدمت کارڈ جاری کیے جائیں گے۔انہوں نے بتایا کہ اپنے بچوں کو سکولوں میں داخل کرانیوالے بھٹہ مزدوروں کو 2000روپے فی بچہ مالی معانت فراہم کی جائے گی جبکہ سکول میں داخل بچے کو 75فیصد حاضری پر 1000روپے ماہانہ وظیفہ دیاجائے گا۔انہوں نے بھٹہ مزدوروں سے کہاکہ اپنے 5سے 9سال تک عمر کے ہر بچے اور بچی کو سکول میں داخل کرائیں۔تقریب کے آخر میں سینیٹر ظفراللہ خان ڈھانڈلہ نے ایم پی اے عامر عنایت خان شہانی،عرفان اللہ خان نیازی،ڈی سی او احمدمستجاب کرامت اور محکمہ تعلیم کے افسران کے ہمراہ بھٹہ مزدوروں میں خدمت کارڈز تقسیم کیے ۔مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.