نواز شریف کے علاوہ کسی سے سکیورٹی تھریٹ نہیں ،کل جلسے میں جاؤں گا‘ عمران خان
اس بار نواز شریف کو ٹائم لائن دیں گے اس میں انہیں جواب دینا ہو گا ،جواب دینے تک تحریک چلے گی ‘ صحافیوں سے گفتگو
ہفتہ 30 اپریل 2016 21:42
لاہور (اُردو پوائنٹ اخبارتازہ ترین - این این آئی۔30 اپریل۔2016ء) پاکستان تحریک انصاف کے چیئرمین عمران خان نے دو مئی کو اپوزیشن کے مشترکہ اجلاس کیلئے کمیٹی تشکیل دیتے ہوئے کہا ہے کہ مجھے نواز شریف کے علاوہ کسی سے سکیورٹی تھریٹ نہیں کیونکہ ا نہیں معلوم ہے کہ پانامہ لیکس کے معاملے پر وہ تمام اپوزیشن کو منا لیں گے لیکن عمران خان نہیں مانے گا ، کل ( اتوار ) جلسے میں ضرور جاؤں گا،نواز شریف نے جمہوریت کو بادشاہت بنایا ہوا ہے اگر کوئی غلط کام نہیں کیا تو قوم کے سامنے سچ بول دیں ، جواب دینے کے لئے ٹائم لائن دیں گے جبکہ جواب آنے تک تحریک جاری رہے گی۔
ان خیالات کا اظہار انہوں نے گزشتہ روزگارڈن ٹاؤن میں واقع چیئرمین سیکرٹریٹ میں پارٹی رہنماؤں کے اجلاس کے بعد میڈیا سے گفتگو کرتے ہوئے کیا ۔(جاری ہے)
عمران خان نے کہا کہ پہلے اپوزیشن کو متحرک کریں گے پھر ٹی او آر سامنے لائیں گے ،پانامہ لیکس سے متعلق 2مئی کو ہونے والے مشترکہ اجلاس میں شرکت کے لئے کمیٹی تشکیل دیدی ہے اور پیر کو اعتزاز احسن کی رہائشگاہ پر ہونیوالے اجلاس میں ٹی او آر بھی سامنے آجائیں گے ۔
انہوں نے کہا کہ میاں صاحب معصوم سی شکل بنا کر مظلوم بن جاتے ہیں ۔ ڈیوڈ کیمرون نے اپوزیشن پر الزام نہیں لگائے انہیں جواب دینا پڑا۔ میاں صاحب سے جواب مانگے تو وہ مانسہرہ نکل جاتے ہیں ۔ جمہوریت میں جواب مانگنا ہمارا حق ہے۔ پاناما لیکس پر دنیا بھر میں شور مچا ہوا ہے اگر عوام کا پیسہ صحیح استعمال نہ ہو تو جواب مانگنا ہمارا فرض ہے۔ اس بار نواز شریف کو ٹائم لائن دیں گے اس میں انہیں جواب دینا ہو گا اور جواب دینے تک تحریک چلے گی ۔ نواز شریف نے جمہوریت کو بادشاہت بنایا ہوا ہے لیکن اگر انہوں نے کوئی غلط کام نہیں کیا تو قوم کے سامنے سچ بول دیں ۔ انہوں نے کہا کہ مجھے نواز شریف کے علاوہ کسی سے سکیورٹی تھریٹ نہیں ہے ،نواز شریف کو معلوم ہے کہ پانامہ لیکس کے معاملے پر وہ تمام اپوزیشن کو منا لیں گے لیکن عمران خان نہیں مانے گا ، آج ( اتوار ) جلسہ ہو گا اور میں بھی جاؤں گا ، عوام بھی جلسے میں بھرپور شرکت کریں ۔ انہوں نے کہا کہ جب تک صاف شفاف الیکشن نہیں ہوتے صحیح جمہوریت نہیں آتی۔ بلاول نے بالکل صحیح کہا ہے نواز شریف کے پاس عہدے پر براجمان رہنے کا اخلاقی جواز نہیں رہا اور ان کا مطالبہ درست ہے ۔ قبل ازیں چیئرمین تحریک انصاف عمران خان کو چیئرمین سیکرٹریٹ میں جلسے کے چیف کو آرڈینیٹر عبدالعلیم خان نے انتظامات کے حوالے سے تفصیلی بریفنگ دی ۔اجلاس میں جہانگیر خان ترین،چوہدری محمد سرور ،نعیم الحق ،محمود الرشید ،اعجاز چوہدری ،شعیب صدیقی ، میاں اسلم اقبال ،جمشید اقبال چیمہ اور دیگر اہم رہنما بھی موجود تھے ۔متعلقہ عنوان :
مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.