پاکستان میں دہشت گردی کیخلاف ایف سولہ طیارے معاون ہیں: امریکی محکمہ خارجہ
ہفتہ 30 اپریل 2016 14:40
واشنگٹن (اُردو پوائنٹ اخبارتازہ ترین - آن لائن۔30 اپریل۔2016ء) پاکستان کو ایف سولہ طیاروں کی فروخت کے انکار کے بعد امریکہ نے ایک بار پھر اپنے بیان میں لچک کا مظاہر کرتے ہوئے کہا ہے کہ پاکستان میں دہشت گردی کے خلاف ایف سولہ طیارے معاون ہیں ، کانگریس کے بعض ارکان کو مالی مدد پر تحفظات ہیں جبکہ دوسری جانب وزیر اعظم کے معاون خصوصی برائے امور خارجہ ، طارق فاطمی کا کہنا ہے کہ کانگریس کو رضا مند کرنا اوباما انتظامیہ کی ذمہ داری ہے۔
واشنگٹن میں محکمہ خارجہ کے ترجمان مارک ٹونز نے کہا کہ پاکستان دہشت گردوں کے خلاف آپریشن کر رہا ہے ، امریکا انسداد دہشت گردی کی ان کوششوں میں تعاون کے حق میں ہے۔ فوجی امداد سے پاکستان میں استحکام آئے گا اور خطہ محفوظ ہو جائے گا۔(جاری ہے)
ایک سوال پر مارک ٹونزنے بتایا کہ کانگریس کے بعض ارکان نے ایف سولہ طیاروں کی فروخت پر تحفظات کا اظہار کیا تھا۔
جبکہ معاون خصوصی برائے امور خارجہ طارق فاطمی کہتے ہیں امریکی انتظامیہ کی طرف سے فوجی امداد کی پیش کش اپنی جگہ موجود ہے۔ تاہم کانگریس میں بیرونی ممالک کو فوجی مالی امداد کے خلاف جذبات پائے جاتے ہیں۔کانگریس کی جانب سے ایف سولہ طیاروں کی خریداری کے لیے امریکی حکومت کی طرف سے پاکستان کو دی جانے والی امداد کی منظوری دینے سے انکار کے سوال پر انہوں نے کہا یہ سودا ابھی ختم نہیں ہوا ہے۔دوسری طرف پاکستان کیلئے امریکی امداد کے روکے جانے پر تر جمان دفتر خارجہ نفیس ذکریا کا کہنا ہے کہ دہشتگردی روکنے کی ذمہ داری ایک ملک پر نہیں ڈالی جا سکتی ، عالمی مسئلے کے حل کیلئے مشترکہ کوششوں کی ضرورت ہے۔ترجمان دفتر خارجہ نفیس ذکریا کا کہنا ہے کہ مالی معاملات اور ان کا طریقہ کار پاکستان کی طرح امریکہ میں بھی بحث کے بعد طے ہوتا ہے۔ دہشتگردی عالمی مسئلہ ہے جس سے نمٹنے کیلئے تمام ممالک کو مشترکہ کوششوں کی ضرورت ہے۔ان کا کہنا ہے کہ دہشتگردی روکنے کی ذمہ داری صرف ایک ملک پر نہیں ڈالی جاسکتی۔ انہوں نے ایف سولہ طیاروں کی خریداری کیلئے پاکستان کی امداد روکے جانے کی میڈیا رپورٹس پر تبصرہ کرنے سے بھی معذرت کی ہےمتعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.