سڑک کنارے سوئے تین مزدوروں کو تیز دھار آلے سے قتل کر دیا گیا

سمیرا فقیرحسین ہفتہ 30 اپریل 2016 11:21

فیصل آباد(اُردو پوائنٹ تازہ ترین اخبار۔30 اپریل 2016ء) : فیصل آباد میں سڑک کنارے سوئے تین مزدوروں کو نامعلوم شخص نے تیز دھار آلے کے وار کر کے قتل کر دیا۔ پولیس نے بتایا کہ تینوں مزدوروں کی موت آنکھوں اور سرپر تیز دھار آلے کے وار کے سبب ہوئی۔ ایس ایچ او کے مطابق یہ اقدام کسی نفسیاتی طور پر کمزور یا جنونی بندے کا ہے جس نے تیز دھار آلے کے وار سے مزدوروں کو قتل کیا۔

(جاری ہے)

تینوں مزدوروں کے سر اور آنکھوں پر تیز دھار آلہ مارا گیا ہے ۔مرنے والے مزدوروں میں اکرم ،غلام اصغر اور مشتاق شامل ہیں۔ مزدوروں کے لواحقین نے انصاف کا مطالبہ کرتے ہوئے بتایا کہ ہماری کسی سے کوئی دشمنی نہیں۔ پولیس نے لاشوں کو پوسٹ مارٹم کے لئے الائیڈ اسپتال منتقل کر دیا ہے۔ پولیس کا کہنا ہے کہ واقعہ کی ایف آئی آر درج کر کے نامعلوم شخص کی تلاش شروع کر دی ہے۔

Facebook Twitter Google + Share on Whatsapp

سڑک کنارے سوئے تین مزدوروں کو تیز دھار آلے سے قتل کر دیا گیا

متعلقہ عنوان :

مزید اہم خبریں