نجی سیکیورٹی کمپنیاں امن و امان کے قیام میں حکومت کا باز و ہیں ، گورنر سندھ
ملک میں 500 نجی سیکیورٹی کمپنیاں کام کررہی ہیں ،12 بور کی بجائے جدید اسلحہ لائسنس دینے کی درخواست کرتے ہیں، بریگیڈیئر (ر) رشید اے ملک
جمعہ 29 اپریل 2016 21:34
کراچی (اُردو پوائنٹ اخبارتازہ ترین - این این آئی۔29 اپریل۔2016ء) گورنر سندھ ڈاکٹر عشرت العباد خان نے کہا ہے کہ صوبہ میں امن و امان برقرار رکھنے کے لئے نجی سیکیورٹی اداروں کا کردار نہایت اہمیت کا حامل ہے اس لئے ان کے مسائل کے حل کے لئے ترجیحی بنیادوں پر اقدامات کئے جائیں گے ۔ ان خیالات کا اظہار انہوں نے آج گورنر ہاؤس میں آل پاکستان سیکیورٹی ایجنسیز ایسوسی ایشن ( ایپسا ) کے ایک 5 رکنی وفد سے ملاقات کے دوران کیا ۔
گورنر سندھ نے کہا کہ امن و امان کے قیام میں نجی سیکیورٹی کمپنیوں کے کردار کے باعث انھیں اس ضمن میں حکومت کا بازو کہا جا سکتا ہے ۔ گورنر سندھ نے کہا غیر رجسٹرڈ نجی سیکیورٹی کمپنیوں کے خاتمے کے ساتھ ساتھ تمام نجی سیکیورٹی گارڈ زکی اسکریننگ اور ان کے متعلقہ ریکارڈ کی دستیابی کو یقینی بنانے کی ضرورت ہے ۔(جاری ہے)
گورنر سندھ نے کہا کہ ایسوسی ایشن کی جانب سے نجی سیکیورٹی گارڈز کی ٹریننگ کا منصوبہ بھی قابل تحسین ہے کیونکہ غیر تربیت یافتہ سیکیورٹی گارڈ اپنے فرائض احسن طریقہ سے ادا کرنے کے قابل نہیں ہوتا ۔
انہوں نے ا س ضمن میں حکومت کی جانب سے بھرپور تعاون کی یقین دہانی کرائی۔ گورنر سندھ نے کہا کہ تعلیمی اداروں ، سفارتی مشنز ، بنکوں ، تجارتی مراکز اور دیگر اداروں کی سیکیورٹی کے ضمن میں نجی سیکیورٹی گارڈز اہم کردار ادا کر رہے ہیں ۔ اس موقع پر گورنر سندھ کوایسوسی ایشن کے صدر بریگیڈیئر (ر) رشید اے ملک نے گورنر سندھ کو بتایا کہ ملک بھر میں کل 500 نجی سیکیورٹی کمپنیاں کام کررہی ہیں جن میں سے 250 ان کی ایسوسی ایشن کی ممبر ہیں جبکہ 100 کمپنیاں متعلقہ لائسنس تو رکھتی ہیں لیکن وہ ایسوسی ایشن کی ممبر نہیں جبکہ 50 کے قریب کمپنیاں لائسنس کے بغیر کام کررہی ہیں ۔ انہوں نے ایسوسی ایشن کے ممبران کو نئے اسلحہ لائسنس دینے کی بھی درخواست کی اور 12 بور کے بجائے جدید اسلحہ لائسنس کے لئے کہا ۔ ایسوسی ایشن کے وائس چیئر مین زبیر چھایا نے گورنرسندھ کو بتایا کہ ان کے 250 ممبران میں سے 190 کا تعلق سندھ سے ہے اور سیکیورٹی گارڈز کی بھرتی میں مقامی افراد کو ترجیح دی جاتی ہے ۔ انہوں نے مزید بتایا کہ ایسوسی ایشن کے ممبران ریوینیو کی مد میں ہر سال 20ارب روپے ادا کرتے ہیں ۔ انہوں نے مزید کہا کہ تمام سیکیورٹی کمپنیوں کو ایسوسی ایشن کا ممبر بننے کا پابند کیا جانے اور ان کے لائسنس کی تجدید کے لئے اسے شرط کے طور پر لاگو کیا جائے ۔ وفد کے دیگر اراکین میں ایسوسی ایشن ایگزیکٹیو کمیٹی کے اراکین میجر (ر) منیر احمد ، کیپٹن (ر) محمد عابد اور عامر عزیز شامل تھے ۔متعلقہ عنوان :
مزید اہم خبریں
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
-
شمالی کوریا کا وفد کے ایران کے غیر معمولی دورے پر
-
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
-
شیخ رشید کے خلاف ایک الزام پر درج متعدد مقدمات کے خلاف کیس کا فیصلہ محفوظ
-
بشریٰ بی بی کو زہردیے جانے کے خدشہ کا کیس، پیرتک ٹیسٹ کروا کر رپورٹ عدالت میں جمع کروانے کا حکم
-
وزیراعظم شہبازشریف نے مختلف شعبوں میں نمایاں کارکردگی دکھانے والے نوجوانوں سے مزارقائد پر پاکستان کی خدمت کرنے کا حلف لیا
-
وزیراعظم شہا زشریف کی مزار قائد پرحاضری، پھول چڑھائے اور فاتحہ خوانی کی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.