جوہی چاولہ نے اپنے شوہر کو” ٹائم پاس “ قرار دے دیا

جمعہ 29 اپریل 2016 13:18

ممبئی(اُردو پوائنٹ اخبارتازہ ترین - آن لائن۔29 اپریل۔2016ء) بالی ووڈ انڈسٹری سے تین دہائیوں پر راج کرنے والی اداکارہ جوہی چاوٴلہ کا کہنا ہے کہ ان کے شوہر جے مہتا ٹائم پاس ہیں۔بالی ووڈ اداکارہ نے سماجی رابطے کی ویب سائٹ ٹوئٹر پر بالی ووڈ اداکارہ سے مداح کی جانب سے پوچھا گیا کہ وہ اپنے شوہر”جے مہتا” کے بارے میں کچھ بتائیں تواداکارہ نے مزاحیہ اندازمیں کہا کہ وہ توٹائم پاس ہیں۔

اداکاری کے حوالے انہوں نے کہا کہ اداکاری کی طرف انہیں آنا نہیں تھا یہ قسمت میں لکھی تھی۔ اداکارہ سے جب شوخ و چنچل رہنے کی وجہ پوچھی گئی توان کا کہنا تھا کہ وہ اس فن کو برقراررکھتی ہیں،جوہی چاولہ نے کہا کہ انہوں نے بالی ووڈ کے کنگ شاہ رخ خان کے ساتھ متعدد فلموں میں کام کیا جن میں ” ڈر، ڈپلیکیٹ، رام جانے، پھر بھی دل ہے ہندوستانی اور یس باس” وغیرہ شامل ہیں لیکن ان کی بہترین پسندیدہ فلم “انداز اپنا اپنا” ہے،اداکارہ نے کہا کہ فلمی کریئر میں سب سے زیادہ کام کرنے کا مزا شاہ رخ خان اورعامر خان کے ساتھ آیا جب کہ سلمان خان کے حوالے سے جب ان سے پوچھا گیا تو ان کا کہنا تھا کہ خواہش ہے کہ دبنگ خان کے ساتھ کامیڈی فلم کروں۔

(جاری ہے)