سانحہ نانگا پربت کے تین ملزم گلگت سے گرفتار،تفتیش کیلئے نامعلوم مقام پر منتقل

جمعہ 29 اپریل 2016 13:15

گلگت (اُردو پوائنٹ اخبارتازہ ترین - آن لائن۔29 اپریل۔2016ء) حساس اداروں نے کارروائی کرتے ہوئے سانحہ نانگا پربت کے تین ملزموں کوگرفتار کرلیا ہے اور تفتیش کیلئے نامعلوم مقام پر منتقل کر دیا ہے،میڈیا رپورٹس کے مطابق حساس اداروں نے ایک کارروائی کے دوران سانحہ پربت کے ملزمان عرفان اللہ ، حبیب الرحمٰن اور قریب اللہ کو گلگت سے حراست میں لے لیا ہے ۔

رپورٹ کے مطابق عرفان اللہ ، حبیب اللہ اور قریب اللہ نے 2013 میں دہشتگردی کی واردات کے دوران 10 سیاحوں کو قتل کر دیا تھا۔ اس واقعے سے گلگت میں شدید خوف و ہراس پھیل گیا تھا۔

(جاری ہے)

سانحے میں میجر التمش ، میجر وسیم اور نائب صوبیدار ذاکر سمیت فلپائن اور ناروے کے سفیر بھی شامل تھے۔ واقعے میں تینوں ملزموں نے پیراملٹری پولیس کی وردیوں میں بیس کیمپ میں موجود سیاحوں پر فائرنگ کی تھی ، اس واقعہ کی ذمہ داری کالعدم تحریک طالبان نے قبول کی تھی اور ان کے ترجمان کا کہنا تھا کہ انہوں نے اپنے کمانڈر ولی الرحمان کے قتل کا بدلہ لیا ہے اور ان کے "جنود حفصہ " نامی گروپ کی کارروائی ہے۔

سیاحوں کو رات کی تاریکی میں پندرہ کے قریب دہشتگردوں نے نشانہ بنایا تھا اور اس حملے میں پانچ یوکرینی ، تین چینی اور ایک روسی شہری شامل تھے۔

Facebook Twitter Google + Share on Whatsapp

سانحہ نانگا پربت کے تین ملزم گلگت سے گرفتار،تفتیش کیلئے نامعلوم مقام پر منتقل

مزید اہم خبریں