عبدالرشید قتل کیس؛ پرویزمشرف کے وارنٹ گرفتاری کیخلاف درخواست واپس لے لی گئی
جمعرات 28 اپریل 2016 13:44
اسلام آباد ( اُردو پوائنٹ اخبارتازہ ترین - آن لائن۔28 اپریل۔2016ء ) ٓاسلام آباد ہائیکورٹ نے غازی عبدالرشید قتل کیس میں سابق صدر پرویز مشرف کے نا قابل ضمانت وارنٹ گرفتاری کے اجراء کے خلاف دائر درخواست ان کے وکیل کو واپس کر دی ہے ،گزشتہ روز جسٹس عامر فاروق پر مشتمل سنگل بینچ نے کیس کی سماعت کی،دوران سماعت عدالت کو بتایا گیا کہ پرویز مشرف کے وکیل ملک طاہر محمود عدالت میں پیش ہوئے اور موقف اختیار کیا کہ انہوں نے ٹرائل کورٹ میں پرویز مشرف کی حاضری سے استثنیٰ کے لیے نئی درخواست دائر کر دی ہے لہٰذا فی الحال اس درخواست کی ضرورت نہیں۔
عدالت نے استدعا منظور کرتے ہوئے درخواست ان کے وکیل کو واپس کر دی ہے،واضح رہے کہ غازی عبدالرشید غازی قتل کیس میں ایڈیشنل اینڈ سیشن جج پرویزالقادر میمن نے 20فروری کو سابق صدر پرویزمشرف کے ناقابل ضمانت وارنٹ گرفتاری جاری کئے تھے،جسے اسلام آباد ہائیکورٹ میں چیلنج کیا گیا تھا،گزشتہ سماعت پرپرویزمشرف کے وکیل ملک طاہر محمود نے دوران سماعت موقف اختیار کیا تھاکہ انہوں نے اسلام آباد ہائیکورٹ کے 27اگست 2015کے فیصلے کی روشنی میں ٹرائل کورٹ میں پرویزمشرف کی میڈیکل سرٹیفکیٹ کی بنیاد پر مستقل حاضری سے استثنا کے لئے درخواست دائر کی تھی تاہم اماتحت عدالت نے میڈیکل سرٹیفکیٹ کو مسترد کرتے ہوئے ان کے موکل ناقابل ضمانت وارنٹ گرفتاری جاری کردیئے تھے،،میرے موٴکل بیماری کی وجہ سے عدالت میں پیش نہیں ہوسکتے لہٰذا ٹرائل کورٹ کا 20ا فیصلہ انصاف کے خلاف ہے، اس پرلال مسجدکے وکیل طارق اسد نے موقف اختیار کرتے ہوئے کہاتھاکہ باوجود اس کے کہ عدالت نے ہمیں نوٹس جاری نہیں کیے،میں عدالت کی رہنمائی کرنا چاہتا ہوں،ملزم کے وکیل بہت سے حقائق سے واقف نہیں،ملزم کے وکیل نے ٹرائل کورٹ میں میڈیکل سرٹیفکیٹ پیش کرتے ہوئے موقف اختیار کیا تھاکہ ملزم بیماری کی وجہ سے سفر نہیں کرسکتے جبکہ ملزم کے دوسرے وکلاء نے سپریم کورٹ میں ایک میڈیکل سرٹیفکیٹ جمع کرایا ہے کہ جس میں کہا گیا ہے کہ ملزم پرویزمشرف نے 20فروری کو ایک تقریب میں شرکت کی،اس بات کا علم ملک طاہر محمود کو نہیں ہے،ٹرائل کورٹ نے مکمل اطمینان کے ساتھ فریقین کے وکلاء کو سننے کے بعد میرٹ پر یہ فیصلہ کیا،اس سے قبل تین دوسرے ایڈیشنل سیشن ججز بھی اسی قسم کے فیصلے صادر فرما چکے ہیں،ملزم کو اگر اب ایڈیشنل اینڈ سیشن ججز کی قابلیت پر ہی اعتماد نہیں تو کیا مقدمے کے ٹرائل کے لئے باہر سے ججز بلائے جائیں“۔(جاری ہے)
متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.