ہماری سیاست کا بنیادی مقصد پختونوں کے مسائل و مشکلات کے خاتمے کیلئے جدوجہد کرنا ہے ،سکندرحیات خان شیر پاؤ
منگل 26 اپریل 2016 18:46
پشاور(اُردو پوائنٹ اخبارتازہ ترین - این این آئی۔26 اپریل۔2016ء) خیبر پختونخوا کے سینئر وزیر اور قومی وطن پارٹی کے صوبائی چیئرمین سکندر حیات خان شیر پاؤ نے سی پیک کے ثمرات سے جنوبی اضلاع کو مستفید کرنے کا مطالبہ کرتے ہوئے کہا کہ یہ منصوبہ نہ صرف ملک بلکہ پختونوں اور باالخصوص جنوبی اضلاع کیلئے انتہائی اہمیت کا حامل ہے ۔ ان خیالات کا اظہارانہوں نے منگل کے روز اپنی رہائشگاہ وطن کور پشاور میں ایک شمولیتی تقریب سے خطاب کرتے ہوئے کیا۔
اس موقع پرضلع کوہاٹ کے یونین کونسل شیر کوٹ اور علی زئی سے منتخب عوامی نمائندوں ملک اشتیاق حسین ، سید نجم الحسن،عابد علی ایڈوکیٹ،سید ہلا ل حسین،سید اقدار حسین،عادل خان،حسین محمود،خلیل محمود،محمد اقبال،سابقہ ناظمین عنایت علی،ملک منظر حسین اورعلی حسن نے اپنے ساتھیوں اور خاندانوں سمیت قومی وطن پارٹی میں شمولیت کا اعلان کیا۔(جاری ہے)
اس موقع پر خطاب کرتے ہوئے سینئر وزیر نے کہا کہ ہماری سیاست کا بنیادی مقصد پختونوں کے مسائل و مشکلات کے خاتمے کیلئے جدوجہد کرنا ہے کیونکہ موجودہ صورتحال میں پختون قوم انتہائی سخت حالات سے گزر رہی ہے اور دہشت گردی کی وجہ سے شدید متاثر ہو چکی ہے لہٰذا اب پختونوں کی مشکلات کے ازالہ کیلئے ٹھوس اقدامات اٹھانے کی ضرورت ہے۔
انھوں نے کہا کہ جنوبی اضلاع کی تعمیر و ترقی ہماری اولین ترجیح ہے اور ان کی صحیح نمائندگی کو یقینی بنائیں گے۔انھوں نے کہا کہ چشمہ رائٹ بنک کینال کا منصوبہ جنوبی اضلاع کاایک دیرینہ اور اہم مسئلہ تھا جس میں حائل رکاؤٹوں کو صوبائی حکومت نے حل کردیا اور بہت جلد اس پرکام شروع کیا جائے گا منصوبہ5ارب روپے کی لاگت سے مکمل کیا جائے گا جس سے علاقہ میں زرعی خوشحالی آئے گی۔انھوں نے پارٹی میں شمولیت کرنے والوں کو خوش آمدید کہتے ہوئے کہا کہ قومی وطن پارٹی میں لوگوں کی شمولیت کا ایک نہ ختم ہونے والا سلسہ شروع ہو چکا ہے جو پارٹی پر صوبے کی عوام کے اعتماد کا مظہر ہے۔صوبے بھر سے لوگوں کی جوق در جوق شمولیت اس بات کی عکاس ہے کہ قومی وطن پارٹی ہی وہ واحد جماعت ہے جو پختونوں اور صوبے کو درپیش مسائل سے چھٹکارا دلانے کیلئے عملی جدوجہد کر رہی ہے۔اس موقع پر قومی وطن پارٹی کے صوبائی انفارمیشن سیکرٹری طارق احمد خان،محمد نثار خان ایڈوکیٹ ،کیو ڈبلیو جنوبی زون کے سیکرٹری جنرل محمودالاسلام ایڈکیٹ اور ضلع کوہاٹ کے عہدیداران بھی موجود تھے۔مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
-
بشریٰ بی بی کی بنی گالہ سے اڈیالہ جیل منتقلی کی عدم پیروی پر خارج درخواست بحال
-
وزیر اعلیٰ خیبرپختونخواہ کی ہدایت پر روٹی/ نان کی قیمتوں میں بھی نمایاں کمی کردی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.