ہم سندھ میں تعلیم کی بہتری کیلئے ہر حد تک جانے کو تیار ہیں، نثار احمد کھوڑو
جدید دور میں کچھ بھی کرنا ناممکن نہیں رہا مگر اس کے لئے جذبے کی ضرورت ہے،سینئر صوبائی وزیر برائے تعلیم و خواندگی
اتوار 24 اپریل 2016 18:13
کراچی (اُردو پوائنٹ اخبار تازہ ترین۔24اپریل۔2016ء) سینئر صوبائی وزیر برائے تعلیم و خواندگی نثار احمد کھوڑو نے کہا ہے کہ ہم سندھ میں تعلیم کی بہتری کے لئے ہر حد تک جانے کے لئے تیار ہیں، اس جدید دور میں کچھ بھی کرنا ناممکن نہیں رہا مگر اس کے لئے جذبے کی ضرورت ہے۔ان خیالات کا اظہار انہوں نے گذشتہ روز محکمہ تعلیم و خواندگی ، حکومتِ سندھ کے ریفارم سپورٹ یونٹ کی جانب سے" عالمی یومِ کتاب "کی مناسبت سے ملیر کے قائد اعظم پبلک اسکول میں ”یومِ کتاب فیسٹیول“ کے انعقاد کے موقع پر اپنے خطاب میں کیا ۔
سینئر صوبائی وزیر برائے تعلیم و خواندگی نثار احمد کھوڑو نے تقریب سے خطاب کرتے ہوئے کہا کہ ہم سب پر فرض ہے کہ ہم اسکولوں کو آباد کر یں جس کے لیے ضروری ہے کہ اسکولوں میں بچوں کی انرولمنٹ بڑھانے میں اپنا کردار ادا کیا جائے۔(جاری ہے)
انہوں نے کہا کہ بچوں میں مضموں نویسی، کھیل کوداور دیگر مقابلے جذبے کو حقیقت میں بدلنے کا موقع فراہم کرنے کے ساتھ ساتھ ان میں کچھ کر گزرنے کا عزم اور ارادوں میں مضبوطی پیدا کرتے ہیں اور بچوں کی صلاحیتوں کو اجاگر کرنے کے لئے بھی اس طرح کی تقریبات ایک بہترین پلیٹ فارم ثابت ہو تی ہیں ۔
نثار احمد کھوڑو نے کہا کہ آج کی دنیا موبائیل لائبیریری میں تبدیل ہو گئی ہے اور ہم ایک موبائیل کے ذریعے پوری دنیا کی سیر کر سکتے ہیں مگر ہمیں ٹیکنالاجی سے فوائد حاصل کرنے کے لئے وسائل کا مثبت استعمال کرنا ہوگا۔ یوم کتاب بچوں میں پڑھنے کی عادت ڈالنے، کتب بینی کے فوائد سے آگہی سمیت تعلیمی مقاصد کے حصول کے لئے منایا جارہا ہے۔ اس دن بچوں میں اپنی صلاحیتوں کو اجاگر کرنے، فتوحات سمیٹنے اور خود اعتمادی میں اضافہ کرنے کے لئے مختلف تقریبات کا انعقاد کیا جاتا ہے۔ جس کے ذریعے بچوں میں خوداعتمادی اور مضبوطی پیدا ہو سکے اور ساتھ ساتھ ان کے ٹیلینٹ کو بھی اجاگر کیا جا سکے۔ اس موقع پر سنیئر صوبائی وزیر تعلیم نثار احمد کھوڑو نے ریفارم سپورٹ یونٹ کی جانب سے مقابلہ برائے مضمون نویسی میں کامیابی حاصل کرنے والے بچوں میں تحائف تقسیم کیے اور انہیں مبارک باد دیتے ہوئے اس امید ظاہر کیا کہ وہ آگے بھی اپنی صلاحیتوں کو اجاگر کرنے کے لئے ایسے مقابلے میں حصہ لیتے رہیں گے۔اس موقع پر مختلف سرکاری اسکولوں کے طلبا و طالبات نے ٹیبلوز پیش کئے اور ملی نغموں پر شاندار پرفارمنس کا مظاہرہ کر کے خوب داد حاصل کیا۔ تقریب میں سندھ یونیورسٹی کے سابق وائس چانسلر مظہر الحق صدیقی، بورڈ کے عہدیداران شفیق پراچہ، ڈاکٹر شائستہ آ فندی سمیت مختلف تعلیمی و سماجی شخصیات کے ساتھ مختلف اسکولوں کے اساتذہ اور بچوں کی بڑی تعداد نے شرکت کی۔مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.