ملک میں مثبت تبدیلی آئے بغیر چین سے نہیں بیٹھیں گے ، بچہ بچہ کرپشن کا خاتمہ لوٹ مار سے آزادی اور پاکستان کی ترقی و خوشحالی چاہتا ہے، پی ٹی آئی رہنما

چنیوٹ(اُردو پوائنٹ اخبار تازہ ترین۔24اپریل۔2016ء) ملک میں مثبت تبدیلی آئے بغیر چین سے نہیں بیٹھیں گے ۔ملک کا بچہ بچہ کرپشن کا خاتمہ لوٹ مار سے آزادی اور پاکستان کی ترقی و خوشحالی چاہتا ہے ۔عمران خان کی آواز پر کروڑوں پاکستانی آج اسلام آباد جا رہے ہیں اور کرپٹ حکمرانوں سے چھٹکارا حاصل کرکے دم لیں گے پی ٹی آئی کے ضلعی رہنماؤں کا ختم نبوت چوک میں روانگی سے قبل خطاب ضلع چنیوٹ اور اسکے تینوں تحصیلوں سے ہزاروں افراد پر مشتمل قافلہ اسلام آباد شرکت کے لئے روانہ ہو گیا ۔

(جاری ہے)

تفصیلات کے مطابق پاکستان تحریک انصاف ضلع چنیوٹ ،تحصیل لالیاں،بھوآنہ،چناب نگر اور دیگر علاقوں سے پاکستان تحریک انصاف کے یوم تاسیس اور دھرنے میں شمولیت کے لئے ہزاروں کارکنوں اور رہنماؤں پر مشتمل قافلہ اسلام آباد کی جانب روانہ ہو گیا اس موقع پر ضلعی رہنماؤں میاں شوکت علی تھہیم،ڈاکٹر ریاض شاہد،ڈاکٹر جاوید اقبال قمر،ڈاکٹر کاظم نذیر عاطف،سید عنائت علی شاہ سمیت دیگر رہنماؤں نے حکمرانوں کو کڑی تنقید کا بھی نشانہ بنایا اور کہا کہ ملک کو کرپشن لوٹ مار اور عوام مکاؤ پالیوسیوں سے آزاد کرواکر دم لیں گے اور اس مقصد کیلئے عمران خان کے حکم پر لبیک کہتے ہیں قافلے نے ختم نبوت چوک سے اسلام آباد کی جانب بڑھنے کا آغاز ایک بجے کیا کارکنوں کی بڑی تعداد نعرے لگاتی رہی اور ملک بچاؤ کی صداؤں میں چنیوٹ سے اسلام آباد روانہ ہو گئی ۔