علاقہ غیر اورکزئی ایجنسی سے پشاور میں چرس سمگل کرنے کی کوشش ناکام
کوہاٹ گلشن آباد پولیس چیک پوسٹ پر منشیات سے بھرا آئل ٹینکر پکڑ اگیا، ایک سمگلر گرفتار
اتوار 24 اپریل 2016 18:07
کوہاٹ (اُردو پوائنٹ اخبار تازہ ترین۔24اپریل۔2016ء ) کوہاٹ گلشن آباد پولیس چیک پوسٹ پر پولیس نے منشیات سے بھرا آئل ٹینکر پکڑ کر ایک سمگلر کو گرفتار کرلیا گیا ہے۔دس من سے زیادہ مقدار کی چرس علاقہ غیر اورکزئی ایجنسی سے صوبائی دارالحکومت پشاور سمگل کی جارہی تھی۔پولیس پارٹی نے منشیات سمگلنگ کیلئے راہنمائی کرنے والی پائلٹ موٹر کار بھی قبضے میں لے لی ہے تاہم کار سوار ملزمان فوری طور پر جائے وقوعہ سے فرار ہونے میں کامیاب ہوگئے جن کی گرفتاری جلد عمل میں لائی جائے گی۔
منشیات سمگلر چاہے جتنے بھی ہوشیاری سے مکروہ دھندہ انجام دینے کی کوشش کرے قانون کی گرفت سے ہر گز بچ کر نہیں جاسکیں گے۔یہ بات قائم مقام ڈی پی او کوہاٹ ثناء اللہ خان نے ڈسٹرکٹ پولیس آفس میں ڈی ایس پی ہیڈ کوارٹر عبدالرشید خان اور ایس ایچ او تھانہ جنگل خیل جابر خان کے ہمراہ پریس کانفرنس سے خطاب کرتے ہوئے کہی۔(جاری ہے)
ایس پی ثناء اللہ خان نے کہا کہ ڈپٹی انسپکٹر جنرل آف پولیس کوہاٹ ریجن اختر حیات خان کی خصوصی ہدایات کی روشنی میں کوہاٹ بھر میں مجرمانہ سرگرمیوں میں ملوث افراد کے خلاف بڑے پیمانے پر کریک ڈاؤن جاری ہے اور انہیں کاروائیوں کے سلسلے میں ایک اطلاع کے تحت ڈی ایس پی ہیڈ کوارٹر عبدالرشید خان نے پولیس پارٹی کے ہمراہ کوہاٹ تا پشاور بائی پاس روڈ پرگلشن آباد پولیس چیک پوسٹ کے قریب ناکہ بندی کر رکھی تھی کہ اس دوران علاقہ غیر اورکزئی ایجنسی سے کوہاٹ کے راستے پشاور جانے والی ایک آئل ٹینکر نمبر ژوب بلوچستان ایل ڈبلیو سی 316کو رکنے کا اشارہ کیاگیا تو روکنے کی بجائے ڈرائیور نے رفتار بڑھاتے ہوئے گاڑی بھگانے کی کوشش کی جسے پولیس پارٹی نے تعاقب کے دوران تحویل میں لے لیا۔
ڈی پی او کا کہنا تھا کہ منشیات سے بھری گاڑی کو مقام تک پہنچانے کیلئے آگے جانے والی موٹر کارIDN.7516میں سوار ملزمان کا پیچھا کیا گیااور پولیس نے ملزمان کی گرفتاری کی خاطر ہوائی فائرنگ کی تاہم کار سوار ملزمان کے ڈی اے کے گنجان آباد علاقے میں گاڑی چھوڑ کر قریبی آبادی کی طرف فرار ہونے میں کامیاب ہوگئے ۔ایس پی ثناء اللہ خان نے کہا کہ پویس نے پکڑی گئی آئل ٹینکر اورموٹر کار تھانہ جنگل خیل منتقل کردی جہاں آئل ٹینکر کے خفیہ خانو ں کو کاٹ کر تلاشی کے دوران مجموعی طور پر 437.500کلو گرام اعلیٰ کوالٹی کی چرس برآمد کرلی گئی۔انہوں نے کہا کہ چرس بھری آئل ٹینکر سمیت گرفتار ڈرائیور اکبر خان ولد شاہ عالم سکنہ مینا خیل لکی مروت کے خلاف بھاری مقدار میں چرس سمگل کرنے کے جرم میں مقدمہ درج کرلیا گیا ہے جس نے ابتدائی پوچھ گچھ میں انکشاف کیا ہے کہ پکڑی گئی چرس میں موٹر کار سے فرار ہونے والے منشیات کے بین الصوبائی سمگلر ساتھیوں حاجی گلاب سکنہ پشتخرہ پشاور اور گل زلی ساکن لکی مروت کی مشترکہ حصہ داری ہے جبکہ وہ خود معاوضہ لیکر چرس علاقہ غیر سے بندوبستی علاقوں کو سمگل کرنے کا درپے ہے۔ ڈی پی او نے کہا کہ فرار ہونے والے ملزمان کی گرفتار کیلئے مختلف مقامات پر چھاپہ مار کاروائیاں جاری ہیں جنہیں جلد قانون کی گرفت میں لایا جائے گا۔انہوں نے کہا کہ گرفتار ملزم کا عدالت سے جسمانی ریمانڈ حاصل کرلیا گیا ہے جس سے دوران تفتیش اہم معلومات حاصل ہونے کی توقع ہے۔پریس کانفرنس کے دوران گرفتار ملزم کو میڈیا کے سامنے پیش کرتے ہوئے ڈی پی او نے اس عزم کا اعادہ کیا کہ سماج دشمن عناصر کو بھر پور قوت سے کچھلنے کیلئے کاروائیاں جاری رہیں گی اور منشیات سمگلر جتنے بھی مہارت سے مکروہ دھندے کو انجام دینے کی کوشش کرینگے انکے ناپاک عزائم کو عوام کے تعاون سے ناکام بنا دیا جائے گا۔مزید قومی خبریں
-
وزیر اعلی ٰبلوچستان میر سرفراز بگٹی سے سیکرٹری ویلفیئر فنڈ منسٹری آف اوورسیز پاکستانی ذوالفقار خان کی ملاقات
-
ملک بھر میں این ایچ اے روڈ انفراسٹرکچر کو بڑھانے کے لئے پرعزم ہیں ،نئی پالیسی لائیں گے، عبدالعلیم خان
-
گوجرخان پولیس کی موثر کارروائی، سکولوں اور کالجوں میں منشیات سپلائی کرنے والا منشیات فروش گرفتار
-
سوات ،نوجوان نے خودکو گولی مارکر خودکشی کرلی
-
وزیراعلی سندھ نے کابینہ میں توسیع کرتے ہوئے مزید 8وزرا کو شامل کرلیا
-
گورنرسندھ کے زیر صدارت سندھ انڈسٹریل لائڑن کمیٹی کا اعلیٰ سطح اجلاس
-
پی ٹی آئی نے مزار قائد پر حاضری دیکر کراچی جلسہ کی تیاریاں شروع کر دی،
-
ایم کیو ایم کا وزیر اعلیٰ ہائوس کا گھیرائوکرنے کا فیصلہ
-
سندھ ہائی کورٹ : پی ٹی اے کو ایکس کی بندش کی معقول وجہ بتانے کا حکم
-
چارسدہ، پولیس نے رمضان میں دکان سے چوری کرنے والا ملزم گرفتارکرلیا
-
موجودہ نظام میں کسی بھی شفاف اور قابل لیڈر کی کوئی جگہ نہیں،علی امین گنڈاپور
-
800 لیٹر ایرانی تیل برآمد،ملزمان گرفتار،مقدمہ درج
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.