امریکہ ایران سے بھاری پانی خریدے گا ‘ سمجھوتہ طے پا گیا
ہفتہ 23 اپریل 2016 15:14
واشنگٹن (اُردو پوائنٹ اخبارتازہ ترین - این این آئی۔23 اپریل۔2016ء) امریکہ سنگ میل جوہری سمجھوتے کی شقوں پر عمل درآمد میں ایران کی مدد کرتے ہوئے ایران سے ایٹمی ہتھیاروں میں استعمال ہونے والے کلیدی عنصر ‘ بھاری پانی کے 32 میٹرک ٹن خرید یگا امریکی محکمہ توانائی اور محکمہ خارجہ نے بھاری پانی خریدنے کی تصدیق کردی۔ منصوبے کا اعلان اس وقت ہوا جب امریکہ ایران اور دیگر اہل کاروں کا ویانا میں اجلاس ہواجس کے پیش نظر ایران کے جوہری سمجھوتے پر عمل درآمد کو زیر غور لایا گیا جس معاہدے کو جوائنٹ کمپری ہنسو پلان آف ایکشن (جے سی پی او اے) کے نام سے جانا جاتا ہے۔
فوری طور پر ایک بیان میں، امریکی ایوانِ نمائندگان کی ایک کلیدی کمیٹی کے سربراہ نے اس اعلان پر نکتہ چینی کرتے ہوئے جوہری سمجھوتے کے ممکنہ مضمرات کے بارے میں جاری تشویش کا اظہار کیا۔(جاری ہے)
امور خارجہ کمیٹی کے چیرمین ایڈ روئس نے کہاکہ ایک بار پھر اوباما انتظامیہ ایران کی قدامت پسند حکومت کو مزید نقدی فراہم کر رہی ہے اْنھوں نے کہا کہ جوہری پروگرام کو ترک کرنے کے امکان میں ناکامی کے باوجود اس عمل سے ایران فروخت کے لیے زیادہ بھاری پانی پیدا کریگا جبکہ اسے امریکی منظوری کی مہر لگ جائیگی۔
امریکی حکام نے کہا کہ سمجھوتے کی مالیت تقریباً 86 لاکھ ڈالر ہے۔محکمہ توانائی نے کہا کہ اْسے توقع ہے کہ بھاری پانی امریکہ کے تحقیق اور تجارت سے وابستہ خریداروں کو بیچ دیا جائیگا تاہم، عندیہ دیا کہ امریکہ نے مستقبل میں مزید خریداری طے نہیں کی۔محکمہ توانائی کے مطابق امریکہ ایران کا مستقل خریدار نہیں ہوگا۔بیان میں کہا گیا کہ یہ خصوصی طور پر ایران کی ہی ذمہ داری ہے کہ وہ جے سی پی او اے‘ معاہدے پر پورا اترے۔امریکی محکمہ خارجہ نے کہا کہ متوقع طور پر ایران اگلے چند ہفتوں کے دوران بھاری پانی امریکہ کو فراہم کردیگا جس مواد کے بارے میں محکمے کے ترجمان جان کربی نے بتایا کہ یہ تابکاری کا موجب نہیں ہے اور اس سے تحفظ کے بارے میں کسی قسم کی تشویش پیدا نہیں ہوگی۔مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.