یورپی یونین سے نکلنے کی صورت میں امریکا اور برطانیہ کے معاشی تعلقات خراب ہوسکتے ہیں،صدر اوباما
امریکی صدر کی ڈیوڈ کیمرون ،ملکہ الزبتھ ،شہزادہ ولیم، کیٹ اور جارج سے ملاقاتیں
ہفتہ 23 اپریل 2016 14:09
لندن (اُردو پوائنٹ اخبارتازہ ترین - آئی این پی۔23 اپریل۔2016ء) امریکی صدر براک اوباما نے برطانیہ کو خبردار کیا ہے کہ اگر اس نے یورپی یونین سے علیحدگی اختیار کی تو امریکا اور برطانیہ کے معاشی تعلقات خراب ہو سکتے ہیں ۔غیر ملکی میڈیاکے مطابق امریکی صدر باراک اوباما نے برطانوی وزیراعظم ڈیوڈ کیمرون کی رہائش گاہ پر ان سے ملاقات کی جس میں دوطرفہ تعلقات،یورپی یونین سے علیحدگی سمیت دیگر امور پر تبادلہ خیا ل کیا گیا ۔
ملاقات کے بعد مشترکہ پریس کانفرنس میں اوباما کا کہنا تھا کہ یورپی یونین سے نکلنے کی صورت میں امریکا اور برطانیہ کے معاشی تعلقات خراب ہونگے اور برطانیہ تجارتی معاہدوں میں سب سے آخری نمبر پر ہو گا ۔صدر اوباما ملکہ الزبتھ سے ان کے محل میں ملے اور شہزادہ ولیم، کیٹ اور جارج سے بھی ملاقات کی ۔(جاری ہے)
ا س سے قبل امریکی صدر براک اوباما نے جمعرات کو برطانیہ پر زور دیا تھا کہ وہ دہشت گردی کے خلاف عالمی جنگ میں تعاون کے لیے اپنے یورپی اتحادیوں سے قریبی تعلق رکھے۔
یہ بات کہنے کا مقصد برطانوی عوام کو یورپی یونین میں رہنے کے لیے قائل کرنا ہے۔ صدر اوباما نے یہ بات لندن پہنچنے کے تھوڑی دیر بعد ہی روزنامہ ڈیلی ٹیلی گراف میں شائع ہونے والے ایک مضمون میں کہی۔اوباما برطانیہ کے سرکاری دورے پر ہیں جس کا مقصد برطانوی عوام کو اس بات پر قائل کرنا ہے کہ وہ 23 جون کو متوقع ریفرنڈم میں 28 رکنی یورپی یونین کو چھوڑنے کا فیصلہ نہ کریں۔اگرچہ ہم اپنی خود مختاری کو بہت عزیز سمجھتے ہیں مگر جو قومیں دوسری قوموں پر اپنا اثر و رسوخ مثر ترین طریقے سے استعمال کرتی ہیں وہ ایسا اجتماعی اقدامات کے ذریعے کرتی ہیں جن کا مطالبہ آج کے چیلنجز ہم سے کرتے ہیں۔متعلقہ عنوان :
مزید بین الاقوامی خبریں
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
-
ارجنٹائن کا انٹرپول سے ایرانی وزیر داخلہ کو گرفتار کرنے کا مطالبہ
-
اطالوی شہر وینس کا سیاحت کے حوالے سے اہم فیصلہ
-
اسرائیل نے رفاح پرزمینی حملے کی تیاری کرلی
-
بنگلہ دیش کے کئی علاقوں میں درجہ حرارت 42ڈگری سے متجاویز
-
امریکی جامعات میں جو ہورہا ہے وہ خوفناک ہے، نیتن یاہو
-
یہودیوں کا مذہبی تہوار، سیکڑوں یہودیوں کامسجد اقصی پر دھاوا، فلسطینیوں کو نکال دیا
-
شاہ سلمان بن عبدالعزیزطبی معائنے کیلئے اسپتال میں داخل
-
یونانی شاہی جوڑے کا شادی کے 14سال بعد علیحدگی کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.