وزیراعظم پانامہ لیکس کی تحقیقات کے لئے چیف جسٹس سپریم کورٹ کی سربراہی میں کمیشن بنائیں ، انکار پر پارلیمانی کمیٹی بنائی جائے،مجھے نہیں معلوم کہ وزیراعظم نے فوج سے متعلق کیا بیان دیا اور عمران خان کویہ بات کس نے بتائی ،آرمی چیف نے احتساب کا عمل اپنے گھر سے شروع کر کے اچھی مثال قائم کی، باقی لوگوں کو بھی اس پر عمل کرنا چاہیے
قومی اسمبلی میں قائد حزب اختلاف خورشید شاہ کی نجی ٹی وی سے گفتگو
جمعرات 21 اپریل 2016 21:55
اسلام آباد (اُردو پوائنٹ اخبارتازہ ترین - آئی این پی۔21 اپریل۔2016ء) قومی اسمبلی میں قائد حزب اختلاف سید خورشید شاہ نے کہا ہے کہ وزیراعظم پانامہ لیکس کی تحقیقات کے لئے چیف جسٹس سپریم کورٹ کی سربراہی میں کمیشن بنائیں، اگر وہ انکار کر دیں تو پارلیمانی کمیٹی بنائی جائے،مجھے ذاتی طور پر نہیں معلوم کہ وزیراعظم نے فوج سے متعلق کیا بیان دیااور عمران خان کو کس نے بتایا کہ وزیراعظم نے پاک فوج کے مخالف بیان دیا ، اب ہمارے پاس کسی کو مقدس گائے کہنے کا جواز ختم ہو گیا،آرمی چیف نے احتساب کا عمل اپنے گھر سے شروع کر کے اچھی مثال قائم کی باقی لوگوں کو بھی اس پر عمل کرنا چاہیے۔
وہ جمعرات کو نجی ٹی وی چینل سے گفتگو میں آرمی چیف کے کرپشن کے خلاف اقدامات پر رد عمل کااظہار کر رہے تھے۔(جاری ہے)
اپوزیشن لیڈر سید خورشید شاہ نے کہا کہ تحریک انصاف کے چیئرمین عمران خان کو کس نے بتایا کہ وزیراعظم نواز شریف نے پاک فوج کے مخالف بیان دیا ہے ، اگر نواز شریف نے ایسا کیا ہے تو قابل مذمت ہے، مجھے ذاتی طور پر نہیں معلوم کہ وزیراعظم نواز شریف نے فوج سے متعلق کیا بیان دیا ہے، جس بات کی مکمل تفصیل معلوم نہ ہو اس پر بات نہیں کرنی چاہیے۔
انہوں نے کہا کہ پنجاب میں نوگوایریاز تھے مگر کچھ لوگ بڑے دعوے کرتے تھے کہ پنجاب میں کوئی نوگوایریاز نہیں ہیں،اب سب نے دیکھ لیا کہ پاک فوج نے کیسے نوگو ایریا کو صاف کیا۔ انہوں نے کہا کہ ہمیں اداروں سے متعلق سیاست نہیں کرنی چاہیے، وزیراعظم چیف جسٹس انور ظہیر جمالی کی سربراہی میں کمیشن بنائیں، اگر چیف جسٹس انکار کر دیں تو پارلیمانی کمیٹی بنائی جائے،آرمی چیف نے تو اپنا احتساب کا عمل شروع کر دیا اب آپ اپنے احتساب کا کیا کریں گے۔ انہوں نے کہا کہ ایک ادارے نے گیند ہماری کورٹ میں ڈال دی ہے ،اب ہمیں بھی احتساب کرنا ہوگا۔ انہوں نے کہا کہ آرمی چیف نے احتساب کا عمل اپنے گھر سے شروع کر کے اچھی مثال قائم کی ہے باقی لوگوں کو بھی اپنے گھروں سے احتساب کا عمل شروع کرنا چاہیے۔(اح)مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.